16 வயதான உலக புகழ் பெற்ற நடிகை கைலியா போஸி மர்ம மரணம்: அதிர்ச்சியில் ரசிகர்கள்..!

அமெரிக்காவின் பிரபல தொலைக்காட்சி தொடர் "டாட்லர்ஸ் & டியரஸ்". சிறு குழந்தைகள் பங்குபெற்று போட்டியிட்டுக் கொள்ளும் இந்த தொடரில் இறுதியாக நடுவர்கள் மூலம் ஒரு வெற்றியாளர் தேர்ந்தெடுக்கப்படுவர். மேலும் இது 2009 ஆம் ஆண்டு தொடங்கப்பட்டு நடைபெற்று வருகின்றது.

மேலும் இந்த தொடரில் கடந்த 10 வருடங்களுக்கு முன்பாக பங்குபெற்று உலகம் முழுவதும் தனது ஜிஐஎப் (GIF) புகைப்படத்தால் புகழ் பெற்றவர் நடிகை கைலியா போஸி. எனினும் தற்போது 16 வயதான இவர் வாஷிங்டனில் மர்மான முறையில் இறந்துள்ளார்.

கைலியா போஸி தற்கொலை செய்து இருக்கலாமென தகவல் வெளியாகியுள்ளது. இருப்பினும் இவரது மரணத்திற்கான காரணம் எதுவும் அதிகாரபூர்வமாக வெளியாகவில்லை. மேலும் இந்த செய்தியை அவரது தாயார் தனது முகப்புத்தக பக்கத்தில் உறுதி செய்துள்ளார். எனினும் இது குறித்து அவர், "என்னிடம் வார்த்தைகளோ எண்ணங்களோ இல்லை. ஒரு அழகான பெண் குழந்தை இறந்துவிட்டது.

கைலியாவை இழந்து தவிக்கும் எங்களுக்கு தனியுரிமை கொடுங்கள் " என தனது பதிவில் தெரிவித்துள்ளார். கைலியா போஸியின் திடீர் மரணம் அவரது ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது. அத்தோடு கைலியா போஸ் மறைவிற்கு அவரது ரசிகர்கள் சமூக வலைத்தள பக்கங்களில் இரங்கலை பதிவிட்டு வருகின்றனர்.