ஏ. ஆர் ரகுமான் இசையில் பாடிய பிரபல இளம் பாடகி திடீர் மரணம்- இரங்கல் தெரிவிக்கும் திரையுலகம்

சமீபகாலமாக திரையுலகைச் சேர்ந்த பிரபலங்கள் பலரும் இறப்புக்குள்ளாகி வருவது ரசிகர்களிடையே பேரதிர்ச்சியை ஏற்படுத்தி வருகின்றது. அந்த வகையில் கேராளாவைச் சேர்ந்த பாடகியான சங்கீதா சஜித் உயிரிழந்துள்ளதாக தகவல் வெளியாகியுள்ளது.

தமிழ் ,தெலுங்கு, கன்னடம், மலையாளம் ஆகிய மொழிகளில் 200க்கு மேற்பட்ட பாடல்களை பாடிய பிரபல பாடகியான இவர் சிறு நீரகக் கோளாறு காலமாக இன்று தனது சகோதரியின் வீட்டில் உயிரிழந்துள்ளார்.

மேலும் இவர் தமிழில் ஏ. ஆர் ரகுமான் இசையமைத்த மிஸ்டர் ரோமியோ படத்தில் இடம் பெற்ற தண்ணீரைக் காதலிக்கும் என்ற பாடலை பாடியிருக்கிறார். அதே போல மதுமிதா தலைநகரம் லக்கிமேன் போன்ற படங்களிலும் பாடல்களைப் பாடியிருக்கின்றார்.

இது தவிர அனைத்து முன்னணி பாடகர்களுடன் வெளிநாட்டிலும் இசைக் கச்சேரி நடத்தியிருக்கின்றார். இறுதியாக பிருத்திவ் ராஜ் நடிப்பில் வெளியான குருதி படத்திலும் பாடியிருக்கின்றார் என்பதும் முக்கியமாகும்.