நடிகை ப்ரியங்கா மோகனுடன் நடிக்கும் தொகுப்பாளர் ரக்ஷன்- கூட யார் நடிச்சிருக்காங்க தெரியுமா!

சிவகார்த்திகேயன் நடிப்பில் வெளியான டாக்டர் திரைப்படத்தின் மூலம் கதாநாயகியாக அறிமுகமாகியவர் தான்பிரியங்கா மோகன். இப்படத்தில் கிடைத்த வரவேற்பை அடுத்து சூர்யாவுடன் எதற்கும் துணிந்தவன் சிவகார்த்திகேயனுடன் மீண்டும் டான் படத்தில் நடித்திருந்தார்.

இந்தப் படங்களில் இவரது நடிப்பு சிறப்பான விமர்சனங்களை பெற்றது. குறிப்பாக டாக்டர் படத்தில் சென்டிமெண்ட் காட்சிகளில் இவர் சிறப்பான நடிப்பை வெளிப்படுத்தியிருந்தார்.டான் படத்திலும் கல்லூரி மாணவியாக நடித்து அசத்தியிருந்தார்.

இதனை அடுத்து ரஜினியின் தலைவர் 169 படத்திலும் விஜய்யுடன் தளபதி 67 படத்திலும் இவர் கமிட்டாகியுள்ளதாக கூறப்படுகிறது. இந்தப் படங்களை நெல்சன் திலீப்குமார் மற்றும் லோகேஷ் கனகராஜ் இயக்கவுள்ளனர். இந்தப் படங்கள் குறித்து விரைவில் அதிகாரப்பூர்வமான அறிவிப்பு வெளியாகும் என்று எதிர்பார்க்கப்படுகிறது.

இந்நிலையில் விஜய் டிவியின் குக் வித் கோமாளி உள்ளிட்ட நிகழ்ச்சிகளை சிறப்பாக தொகுத்து வழங்கி வரும் ரக்ஷன், பிரியங்கா மோகனுடன் இணைந்து நடித்துள்ளார். இது விளம்பரப் படமாக இருக்கலாம் என்று கூறப்படுகிறது. இந்த விளம்பரத்தில் பிரபல நடிகர் துல்கர் சல்மானும் இணைந்து நடித்துள்ளார்.

https://twitter.com/Pinks__PM/status/1553202769179574272

இந்நிலையில் அவர்களுடன் இணைந்து நடித்துள்ளது குறித்து மகிழ்ச்சி தெரிவித்துள்ள ரக்ஷன், அதன் புகைப்படங்களை தனது சமூக வலைதளப்பக்கத்தில் வெளியிட்டுள்ளார். மேலும் இந்த சூட்டிங்கின்போது துல்கர் சல்மானின் பிறந்தநாளையும் கேக் வெட்டி அவர்கள் கொண்டாடியுள்ளனர்.

இது குறித்த புகைப்படம் மற்றும் வீடியொ என்பன வெளியாகி வைரலாகி வருவதும் குறிப்பிடத்தக்கது.

பிற செய்திகள்