தென்னிந்திய சினிமாவில் ஒரு கால கட்டத்தில் முன்னணி நடிகையாக வந்தவர் தான் நடிகை பூமிகா. இவர் தமிழில் விஜய் நடித்த பத்ரி, ரோஜாக் கூட்டம் சூர்யா நடிப்பில் வெளிவந்த சில்லுனு ஒரு காதல் உள்ளிட்ட படங்களில் கதாநாயகியாக நடித்தவர்.
இது தவிர பல திரைப்படங்களில் நடித்து ரசிகர்களைக் கவர்ந்த இவர் கடந்த 2000ம் ஆண்டு சினிமாவில் இருந்து விலகி தற்பொழுது மீண்டும் கதாப்பாத்திரங்களுக்கு முக்கியத்துவம் உள்ள திரைப்படங்களில் நடித்து வருகின்றார்.
அந்த வகையில் தற்போது வெளிவந்து வெற்றிகரமாக ஓடிக் கொண்டிருக்கும் சீதா ராமம் படத்திலும் இவர் முக்கிய கதாப்பாத்திரத்தில் நடித்துள்ளார்.இது தவிர கண்ணை நம்பாதே என்னும் படத்திலும் நடித்துள்ளார். இப்படம் விரைவில் வெளியாகக் காத்திருக்கின்றது.
இந்த நிலையில் பூமிகா தனது 43 வது பிறந்த நாளை நேற்று ஊட்டியில் கொண்டாடினார். உதகையிலுள்ள ஆதரவற்றோர் இல்லத்தில் கேக் வெட்டி ஆதரவற்றோருடன் நடனமாடி கொண்டாடினார்.பிறந்த நாளையொட்டி, நடிகை பூமிகாவுக்கு ரசிகர்களும் திரையுலக பிரபலங்களும் வாழ்த்து தெரிவித்து வருகின்றனர்.
.png)
.png)
Listen News!