இளம் இயக்குநருடன் கைகோர்க்கும் அஜித்…அடடே இது என்ன புதிய ருவிஸ்ட்டாக இருக்கே..!

அஜித் வலிமை படத்திற்கு பின்னர் தற்போது மீண்டும் வினோத் இயக்கத்தில் AK 61 படத்தில் நடித்த வருகின்றார். மிகப்பெரிய வெற்றிபெறும் என்று எதிர்பார்க்கப்பட்ட வலிமை திரைப்படம் எதிர்பார்த்த வெற்றியை தரவில்லை என்று தான் கூறவேண்டும்.

எனவே தான் தற்போது நடித்துவரும் ak61 படத்தை அனைத்து விதமான ரசிகர்களும் ரசிக்கும்படி கொடுக்கவேண்டுமென்ற முனைப்பில் அஜித் இருக்கின்றார். அதற்கு ஏற்றாற்போல வினோத்தும் திரைக்கதையை அமைத்துள்ளார் என்ற தகவல் வெளிவந்துள்ளது.

மேலும் இப்படத்திற்காக அஜித் தன் உடல் எடையை குறித்து ஸ்லிம்மாக மாறியுள்ளார். இதைத்தொடர்ந்து அஜித் இயக்குநர் விக்னேஷ் சிவன் இயக்கத்தில் நடிக்கவுள்ளார். லைகா தயாரிக்கும் இப்படத்திற்கு அனிருத் இசையமைக்க இருக்கின்றார்..

இப்படத்தின் படப்பிடிப்பு இந்தாண்டு இருதியில் துவங்கவுள்ளது. இந்நிலையில் விக்னேஷ் சிவனின் இயக்கத்தில் அஜித் நடித்த பிறகு AK63 படத்திற்காக மீண்டும் சிவாவுடன் கூட்டணி அமைப்பார் என பேசப்பட்டது.

ஆனால் தற்போது வந்த தகவல் என்னவென்றால் அஜித் AK63 படத்திற்காக இளம் இயக்குனர்கள் உடன் கூட்டணி அமைக்கவுள்ளாராம். ஏற்கனவே அஜித்திடம் கார்த்திக் நரேன் கதை கூறியுள்ளதாக தகவல் வந்த நிலையில் தற்போது 8 தோட்டாக்கள் படத்தை இயக்கிய ஸ்ரீ கணேஷ் அஜித்தை இயக்கவுள்ளதாக தகவல் கசிந்துள்ளது.

இருப்பினும் இத்தகவல் அதிகாரபூர்வமாக அறிவிக்கப்படவில்லை என்றாலும் அஜித் இளம் இயக்குநருடன் கைகோர்ப்பது ரசிகர்களிடையே பெரும் எதிர்பார்ப்பை ஏற்படுத்தியுள்ளது குறிப்பிடத்தக்கது.

பிற செய்திகள்

சமூக ஊடகங்களில்: