இரண்டாவது காதலனுக்கு பிறந்தநாள் வாழ்த்துத் தெரிவித்த எமி ஜாக்சன்-அவரே வெளியிட்ட ரொமாண்டிக் போட்டோஸ்

இயக்குநர் ஏ.எல்.விஜய் இயக்கிய மதராசபட்டினம் திரைப்படம் மூலம் தமிழ் திரையுலகில் ஹீரோயினாக அறிமுகமானவர் தான் எமி ஜாக்சன்,இப்படத்தில் ஆர்யாவுக்கு ஜோடியாக வெளிநாட்டு பெண்ணாகவே நடித்திருந்தார். இப்படத்தின் மூலம் இவருக்கு நல்ல வரவேற்பும் கிடைத்தது.

இதனை அடுத்து ஷங்கர் இயக்கிய ஐ படத்தில் விக்ரமுக்கு ஜோடியாக நடித்தார். அதில் சென்னை தமிழெல்லாம் பேசி அசத்தி இருந்தார். இதன்பின் விஜய்யுடன் தெறி, தனுஷுக்கு ஜோடியாக தங்கமகன், ரஜினியின் 2.0 போன்ற படங்களில் நடித்து முன்னணி ஹீரோயினாக உயர்ந்தார் எமி.

இப்படி தமிழ் சினிமாவில் பிசியான ஹீரோயினாக வலம் வந்துகொண்டிருந்த எமி ஜாக்சன், லண்டனை சேர்ந்த ஜார்ஜ் என்கிற தொழிலதிபரை காதலிக்க தொடங்கியதும் சினிமாவுக்கு முழுக்கு போட்டார். திருமணம் செய்யாமலேயே லிவ்விங் டுகெதர் முறையில் சில ஆண்டுகள் அவருடன் வாழ்ந்து வந்த எமி ஜாக்சனுக்கு கடந்த 2019-ம் ஆண்டு ஆண் குழந்தையும் பிறந்தது. இதையடுத்து இவர்கள் இருவருக்கும் நிச்சயதார்த்தமும் நடந்து முடிந்தது.

திருமணம் செய்துகொள்வார்கள் என எதிர்பார்க்கப்பட்ட இந்த ஜோடி, திடீரென ஏற்பட்ட கருத்து வேறுபாடு காரணமாக பிரேக் அப் செய்து பிரிந்தனர். இதையடுத்து ஜார்ஜ் உடன் எடுத்த புகைப்படங்களை தனது இன்ஸ்டாகிராம் பக்கத்தில் இருந்து அதிரடியாக நீக்கி தங்களது பிரிவை உறுதி செய்தார் எமி.

ஜார்ஜ் உடன் பிரேக் அப் ஆன சில மாதங்களிலேயே மீண்டும் காதல் வலையில் சிக்கினார் . அவர், நடிகர் எட் வெஸ்ட்விக் என்பவரை காதலித்து அவருடன் டேட்டிங்கும் செய்து வருகின்றார்.இந்த நிலையில் இவரது காதலன் பிறந்த தினத்தைக் கொண்டாடுகின்றார். அவருக்கு தனது வாழ்த்துக்களைத் தெரிவித்து புகைப்படங்களை வெளியிட்டுள்ளார். அவை வைரலாகி வருவதைக் காணலாம்.