பாலிவுட் நடிகர் கார்த்திக் ஆர்யன் சமீபத்தில் ரூ.9 கோடி மதிப்புள்ள பான் மசாலா பிராண்ட் அங்கீகாரத்தை நிராகரித்துள்ளார். பாலிவுட் ஹங்காமா அறிக்கையின்படி, கார்த்திக் ஆரியன் பான் மசாலாவை ஆதரிப்பதற்கான ஒரு கவர்ச்சியான சலுகையை நிராகரித்தார்.
கார்த்திக் ஆர்யன், பான் மசாலாவை ஆதரிப்பதற்காக சுமார் 8-9 கோடி ரூபாய் வழங்குவதாக சலுகை கொடுக்கப்பட்டது. ஆனால் அதனை கார்த்திக் ஆர்யன் வேண்டாமென்று தெரிவித்துள்ளார்.இவ்வளவு பெரிய பணத்தை வேண்டாமென்று சொல்வது எளிதானது அல்ல. ஆனால் கார்த்திக் ஒரு இளைஞர் ஐகானாக தனது பொறுப்பை உணர்ந்து இருக்கிறார் என்று தெரிவிக்கப்பட்டுள்ளது.
மேலும் இதுக்குறித்து தணிக்கைக் குழுவின் முன்னாள் தலைவரும் தயாரிப்பாளருமான பஹ்லஜ் நிஹலானி, தீங்கு விளைவிக்கும் தயாரிப்புகளுக்கு ஒப்புதல் அளிக்காத கார்த்திக் அயனின் முடிவைப் பாராட்டினார்.
பான் மசாலா மக்களைக் கொல்கிறது. பாலிவுட் ரோல் மாடல்களால் குட்கா மற்றும் பான் மசாலா எடுக்க ஊக்குவிக்கப்படுவது நிச்சயமாக நாட்டின் ஆரோக்கியத்திற்கு கேடு விளைவிக்கும்.அத்தோடு மது மற்றும் பான் மசாலா விளம்பரங்களை ஒளிபரப்புவது சட்டவிரோதமானது மற்றும் அரசியலமைப்பிற்கு விரோதமானது. பான் மசாலா மற்றும் மதுபான விளம்பரங்களுக்கு CBFC சான்றிதழ் வழங்குவதை சட்டம் தடை செய்கின்றது.
எனவே, ஒளிபரப்பப்படும் இந்த தயாரிப்புகளுக்கான விளம்பரங்கள் சட்டவிரோதமானது. அப்படிப்பட்ட விளம்பரங்களில் அங்கம் வகிக்கும் நடிகர்கள், தாங்கள் சட்டவிரோதமான செயலில் ஈடுபடுவதை அறிந்திருக்க வேண்டுமென்று தெரிவித்தார்.
சில மாதங்களுக்கு முன்பு, அக்ஷய் குமாரும் பான் மசாலா நிறுவனத்தை விளம்பரப்படுத்தியதற்காக சர்ச்சையை எதிர்கொண்டு தலைப்புச் செய்திகளில் இடம்பிடித்தார்.இதன் பின்னர் அவர் தனது ரசிகர்களிடம் மன்னிப்பு கேட்டார். அத்தோடு எதிர்காலத்தில் அவர் ஒப்புதல் அளிக்கும் தயாரிப்புகள் குறித்து மிகவும் எச்சரிக்கையாக இருப்பேன் என்றும் அவர் தெரிவித்திருந்தது குறிப்பிடத்தக்கது.
_666046ca408b4.jpg)
_666004c44dca0.jpg)
.png)
.png)
Listen News!