இயக்குநர் வெங்கட் பிரபுவை நம்பி ஏமாந்துவிட்டதாக பிக் பாஸ் பிரபலமான ராஜு தெரிவித்துள்ளார். அதை பார்த்த பலரும், நாங்களும் தான் ஏமாந்தோம் என தெரிவித்துள்ளனர்.
பிக் பாஸ் பிரபலமான ராஜு தொகுத்து வழங்கி வரும் ராஜு வூட்ல பார்ட்டி நிகழ்ச்சி பலரின் கவனத்தையும் ஈர்த்துக் கொண்டிருக்கிறது.இவ்வாறுஇருக்கையில் அந்த நிகழ்ச்சியில் பார்ட்டிக்கு பெயர் போன இயக்குநர் வெங்கட் பிரபு, நிதின் சத்யா, வைபவ், விஜி ஆகியோர் கலந்து கொண்டனர்.
அப்பொழுது வெங்கட் பிரபுவின் கோவா படம் பற்றி பேசினார் ராஜு.உங்கள் படத்தில் காட்டிய கோவாவை நம்பி அங்கு சென்றால் ஒரே கிராமம், கிழவியா இருக்கே சார். அது எங்க எடுத்தீங்க என்று இயக்குநர் வெங்கட் பிரபுவிடம் ராஜு கேட்டார்.
அதற்கு வெங்கட் பிரபு தெரிவித்ததாவது, சினிமாவுக்காக கொஞ்சம் மிகைப்படுத்தி காட்டினோம். அத்தோடு இந்தியாவிலும் இப்படி ஒரு இடம் இருக்கிறது என்று காட்ட விரும்பினோம். ஆனால் அதை ஃபுல்லா ஷூட் செய்தது எல்லாம் மலேசியாவில் என்றார்.
இந்த கோவா படத்தை பார்த்துட்டு அங்கே போனால் இன்னும் கொஞ்ச நாளில் சாகப்போகிற வெளிநாட்டவர்கள் கடலில் மிதந்து கொண்டிருக்கிறார்கள். மேலும் அங்கு போய் ஏமாந்து போன கூட்டத்துல நானும் ஒருத்தன் என்றார் ராஜு.
அதை கேட்ட வெங்கட் பிரபுவோ, நிறைய பேர் ஏமாந்து போயி, அசிங்க அசிங்கமாக திட்டியிருக்காங்க. யோவ், எங்கய்யா எடுத்த கோவாவ, நாங்கள் எல்லாம் உன்னை நம்பி கோவா போனால் அங்க ஒன்னுமே இல்ல. மெரினா பீச் மாதிரி தான் இருக்குதுனு சொன்னாங்க.அத்தோடு கோவா படம் முழுக்க மலேசியாவில் எடுத்தோம் என்றார் வெங்கட் பிரபு.
.png)
.png)
Listen News!