புதுவீட்டில் குடியேறும் பிக்பாஸ் தாமரை... சிறப்பு விருந்தினர்களாக பங்கேற்கும் பிரபலங்கள்... வெளியானது அழைப்பிதழ்..!

தமிழ் சின்னத்திரையான விஜய் தொலைக்காட்சியின் கமல் வழங்கும் பிரம்மாண்ட நிகழ்ச்சியான பிக் பாஸ் பலருக்கு நல்ல எதிர்காலத்தை கொடுத்துள்ளது. அதில் ஒருவர் தான் தாமரை, கூத்து நடத்தி தனது குடும்பத்தை பார்த்துக் கொண்டு வந்த ஒரு பெண் ஆவார்.

குடும்ப கஷ்டத்தால் சிறுவயதிலேயே வேலைக்கு செல்ல ஆரம்பித்த இவருக்கு ஏற்கெனவே திருமணம் ஆகி குழந்தை உள்ளவருடன் திருமணம் நடந்தது, பின் அதில் பிரச்சனை ஏற்பட அவருடன் குழந்தை பெற்று விவாகரத்தும் பெற்றார்.

இப்போது மறுமணம் செய்துகொண்டு சந்தோஷமாக வாழ்ந்து வரும் தாமரைக்கு பிக்பாஸ் பிறகு நிறைய சீரியல்கள் வாய்ப்பும் வந்து கொண்டிருக்கிறது. குடிசை வீட்டில் வாழ்ந்து வரும் தாமரை பெற்றோருக்கு இசையமைப்பாளர் ஜேம்ஸ் வசந்தன் ஒரு வீடு ஒன்றை கட்டி வருகிறார். அதில் என்னுடைய பங்கு மட்டும் இல்லாமல் பலரது உதவிகளும் அடங்கியுள்ளது என்று கூறியிருந்தார.

இந்நிலையில் தற்போது சொந்த ஊரான புதுக்கோட்டையில் உள்ள A.மாத்தூரில் புதிதாக வீடு கட்டி குடியேவுள்ள தாமரை இது குறித்த புதுமனைப் புகுவிழா அழைப்பிதழை தனது இன்ஸ்டா பக்கத்தில் பகிர்ந்துள்ளார்.

அந்தவகையில் செப்டம்பர் 17-ஆம் தேதி இவரின் புதுமனை புகுவிழா இடம்பெறுவதோடு, இதில் சிறப்பு விருந்தினராக இசையமைப்பாளர் ஜேம்ஸ் வசந்தன் பிக்பாஸ் பிரபலம் ஐக்கி பெர்ரி பங்கேற்க உள்ளமை குறிப்பிடத்தக்கது.