_63cb556395bfc.jpg)
இயக்குநர் வம்சி பைடிபல்லி இயக்கியுள்ள ‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்துள்ளார். விஜய்யின் ஜோடியாக ராஷ்மிகா மந்தனா நடித்துள்ள இந்தப்படத்தில் சரத்குமார், பிரபு, பிரகாஷ் ராஜ், எஸ்.ஜே. சூர்யா, ஷாம், ஸ்ரீகாந்த், சங்கீதா ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ் உள்ளிட்ட நட்சத்திர பட்டாளங்களே இந்தப்படத்தில் நடித்துள்ளது.
கடந்த ஜனவரி 11 ஆம் தேதி வெளியான 'வாரிசு' படத்தில் விஜய் ஒன்மேன் ஷோவாக கலக்கியுள்ளதாக ரசிகர்கள் படத்தை கொண்டாடி வருகின்றனர். ரசிகர்கள் மத்தியில் வரவேற்பை பெற்று வரும் இந்தப்படம் நெகட்டிவ் விமர்சனங்களையும் குவித்து வருகிறது. படம் மிகவும் ஸ்லோவாக இருப்பதாகவும், சீரியல் போல் இருப்பதாகவும் இணையத்தளவாசிகள் கழுவி ஊற்றி வருகின்றனர்.
பொங்கல் விடுமுறை மற்றும் வார இறுதி நாட்கள் வாரிசு படத்துக்கு சாதகமாக அமைந்தது. குடும்பம் குடும்பமாக 'வாரிசு' படத்தை பார்க்க படையெடுத்தனர். இந்நிலையில் தான் 'வாரிசு' படத்தின் தயாரிப்பு நிறுவனமான ஸ்ரீ வெங்கடேஸ்வரா க்ரியேஷன்ஸ், வாரிசு படம் 7 நாட்களில் உலக அளவில் 210 கோடி ரூபாயை வசூல் செய்துள்ளதாக அதிகாரப்பூர்வமாக அறிவித்தது.
அதனை தொடர்ந்து விநியோகஸ்தர் சங்கத் தலைவர் திருப்பூர் சுப்ரமணியன் வாரிசு படத்தின் வசூல் குறித்து ஊடகங்களுக்கு அளித்த பேட்டியில், விஜய்யின் 'வாரிசு' படம் 210 கோடி ரூபாய் வசூல் செய்துள்ளது என வெளியாகும் தகவல் உண்மை இல்லை. படத்தின் வசூல் என்ன என்பது முழுமையாக தெரிய இன்னும் சில நாட்கள் ஆகும் என தெரிவித்திருந்தார். அவரின் இந்த பேட்டியை வைத்து 'வாரிசு' படக்குழுவினர் பொய் சொன்னார்களா என்ற சர்ச்சை எழுந்தது.
இந்நிலையில் தற்போது ப்ளூ சட்டை மாறன் தனது டுவிட்டர் பக்கத்தில் பகிர்ந்துள்ள பதிவில், பொங்கல் ரேஸில் 'வாரிசு' ஜெயித்ததிற்கு, துணிவை விட வாரிசை காண குடும்பங்கள் அதிக எண்ணிக்கையில் வந்ததே முக்கிய காரணம். முழுமையான வசூல் நிலவரம் தெரிய மேலும் சில நாட்கள் ஆகலாம். ஆனால் அந்த 210 கோடி போஸ்டர் டிசைன் புருடாவை மட்டும் மன்னிக்கவே முடியாது என பதிவிட்டுள்ளார். அவரின் இந்த பதிவிற்கு கீழ் வழக்கம் போல விஜய் ரசிகர்கள் கழுவி ஊற்றி வருகின்றனர்.
Varisu (serial) wins the pongal race.
துணிவை விட வாரிசை காண குடும்பங்கள் அதிக எண்ணிக்கையில் வந்ததே முக்கிய காரணம். முழுமையான வசூல் நிலவரம் தெரிய மேலும் சில நாட்கள் ஆகலாம்.
ஆனா அந்த 210 கோடி போஸ்டர் டிசைன் புருடாவை மட்டும் மன்னிக்கவே முடியாது.
_63cb4e1a5c7f7.jpg)
_63cb5992936c5.jpg)
.png)
.png)
Listen News!