விக்ரம் நடிக்கும் கோப்ரா திரைப்படம்… எப்போது ரிலீஸ் தெரியுமா..?

தமிழ் சினிமாவில் தன் அசாத்திய நடிப்பால் ரசிகர்களை ஈர்த்த நடிகர் விக்ரம். ஆரம்பகாலகட்டத்தில் பல போராட்டங்களை சந்தித்து இன்று முக்கிய நடச்சத்திரமாக ஜொலித்துக்கொண்டிருக்கின்றார் விக்ரம். டப்பிங் கலைஞராக இருந்து பின்னர் நடிகராக உயர்ந்து இன்று தன் கடின உழைப்பால் தமிழ் சினிமாவில் தவிர்க்கமுடியாத நடிகராக உருவெடுத்துள்ளார் விக்ரம்.

சேது படத்தின் மூலம் திருப்புமுனையை கண்ட விக்ரம் தொடர்ந்து தில், தூள், சாமி, அந்நியன், தெய்வத்திருமகள், ஐ போன்ற படங்களின் மூலம் ரசிகர்களின் மனதில் தனக்கென ஒரு இடத்தை பிடித்துள்ளார்.

அத்தோடு கடைசியாக இவரும் இவர் மகன் துருவும் நடித்த மகான் திரைப்படம் OTT யில் வெளியாகி ரசிகர்களின் வரவேற்பை பெற்றது. அதைத்தொடர்ந்து தற்போது கோப்ரா படத்தில் நடித்து முடித்துள்ளார்.

இப்படத்தை அஜய் ஞானமுத்து இயக்கியதோடு இதில் பல கெட்டப்பில் விக்ரம் நடித்துள்ளார்.

இதன்பின் தற்போது இப்படத்தின் படப்பிடிப்பு முடிந்து இறுதிக்கட்ட பின்னணி பணிகள் விறுவிறுப்பாக நடைபெற்று வருகிறது.

மேலும் சமீபத்தில் இப்படத்தில் இருந்து வெளிவந்த அதிரா படம் ரசிகர்கள் மத்தியில் சிறப்பான வரவேற்பை பெற்றுள்ளது.