காதலருடன் பிக் பாஸ் வீட்டுக்கு போக விரும்பும் சர்ச்சை நடிகை-கணவரின் நிலை..?

கணவருடன் பிக் பாஸ் வீட்டிற்கு சென்ற நடிகை ராக்கி சாவந்த் தற்போது காதலருடன் செல்ல விரும்புகிறார் என கூறப்படுகின்றது.

மேலும் சர்ச்சைகளுக்கு பெயர் போன பாலிவுட் நடிகை ராக்கி சாவந்த் தற்போது ஆதில் கான் என்பவரை காதலிக்கிறார். மேலும் தன் காதலரை செய்தியாளர்களுக்கு வீடியோ கால் மூலம் அறிமுகம் செய்து வைத்தார். ராக்கிக்கு அவரின் காதலர் பி.எம்.டபுள்யூ கார் வாங்கிக் கொடுத்து அசத்தியிருக்கிறார். காரை பார்த்த ராக்கி மகிழ்ச்சியில் துள்ளிக் குதித்தார்.

செய்தியாளர்களை சந்தித்த ராக்கி சாவந்த் தன் காதலை உறுதி செய்தார். ஆதிலுக்கு வீடியோ கால் செய்து அவரை செய்தியாளர்களிடம் காட்டினார். அத்தோடு எங்கள் ஜோடி பிக் பாஸ் வீட்டிற்கு செல்ல வேண்டுமென்று நினைக்கிறீர்களா என செய்தியாளர்களை பார்த்து கேட்டார் ராக்கி.

எனினும் முன்னதாக இங்கிலாந்தை சேர்ந்த தொழில் அதிபர் ரித்தேஷை திருமணம் செய்து கொண்டதாக தெரிவித்தார். ஆனால் கணவரை யாருக்கும் காட்டவில்லை. இதையடுத்து பிக் பாஸ் 15 நிகழ்ச்சிக்கு ரித்தேஷை வரவழைத்தார். பிக் பாஸ் வீட்டிலிருந்து வெளியே வந்ததும் ரித்தேஷை பிரிந்துவிட்டார் ராக்கி சாவந்த்.

அத்தோடு பிக் பாஸ் வீட்டிற்கு செல்வது பற்றி ராக்கி தெரிவித்ததாவது, இதை எல்லாம் திட்டமிடவா முடியும்?. பிக் பாஸ் நிகழ்ச்சியில் யார் கலந்து கொள்ள வேண்டும் என்பதை நிகழ்ச்சி ஏற்பாட்டாளர்கள் தான் முடிவு செய்வார்கள். யார் கண்டா, அவர்கள் என்னை மட்டும் அழைக்கலாம். எனக்கு பிக் பாஸை பிடிக்கும் என்று குறிப்பிட்டார்.