தமிழ் சினிமாவில் பன்முகத்திறன் கொண்ட நடிகராக திகழ்ந்து வருகின்றார் தனுஷ். தமிழ் மட்டுமல்லாது பாலிவுட், ஹாலிவுட் படங்களிலும் நடித்துவரும் தனுஷ் சமீபகாலமாக ஒரு ஹிட் படத்திற்காக காத்துக்கொண்டிருந்தார்.
அவரின் நடிப்பில் வெளியான ஜகமே தந்திரம்,அத்ராங்கி ரே, மாறன் ஆகிய படங்கள் OTTயில் வெளியாகி தோல்வியை சந்தித்தன. இதனால் தனுஷின் ரசிகர்கள் வருத்தத்தில் இருந்தனர். எனினும் இதன் காரணமாக வெற்றிப்பாதைக்கு திரும்பும் கட்டாயத்தில் இருந்த தனுஷிற்கு சரியான நேரத்தில் திருச்சிற்றம்பலம் திரைப்படம் கைகொடுத்தது.
மித்ரன் ஜவஹர் இயக்கத்தில் வெளியான இப்படம் அனைத்து விதமான ரசிகர்களையும் ஈர்த்து வசூலில் அடித்து நொறுக்கி வருகின்றது.அத்தோடு மிகப்பெரிய வெற்றியை நோக்கி செல்லும் திருச்சிற்றம்பலம் படத்தினால் தனுஷ் ரசிகர்கள் உச்சகட்ட மகிழ்ச்சியில் உள்ளார்கள் என்று தான் கூற வேண்டும்.
அத்ததோடு இந்த வெற்றி தனுஷிற்கு புது உத்வேகத்தை தந்துள்ளது. இதைத்தொடர்ந்து அடுத்ததாக செல்வராகவன் இயக்கத்தில் நானே வருவேன் திரைப்படம் அடுத்த மாதம் வெளியாகவுள்ளது. மிகுந்த எதிர்பார்ப்பில் உருவாகியுள்ள இப்படத்தை அடுத்து வாத்தி திரைப்படமும் திரையில் வெளியாகவுள்ளது.
இந்நிலையில் தனுஷின் படங்கள் அடுத்தடுத்து திரையில் வெளியாகவுள்ளதால் ரசிகர்கள் மகிழ்ச்சியில் இருக்கின்றனர். மேலும் அவர்களின் மகிழ்ச்சியை அதிகரிக்கும் வகையில் தற்போது ஒரு தகவல் வெளியாகி உள்ளது.அதாவது தனுஷ் மற்றும் அருண் மாதீஸ்வரன் கூட்டணியில் உருவாகும் கேப்டன் மில்லர் திரைப்படத்தின் படப்பிடிப்பு செப்டம்பர் மாதம் இறுதியில் துவங்கவுள்ளதாம்.
அத்தோடு இப்படத்தின் படப்பிடிப்பு முழுவதும் ஒரே கட்டத்தில் நடத்தி முடிக்கவும் படக்குழு திட்டமிட்டுள்ளதாக தகவல் வந்துள்ளது. மேலும் தனுஷின் ரசிகர்களுக்கு இப்படம் ஒரு புதுவித அனுபவத்தை கொடுக்கும் என்று எதிர்பார்க்கப்படுவது குறிப்பிடத்தக்கது.
.png)
.png)
Listen News!