வெற்றிமாறன் ஒரு தெய்வீக இயக்குநர்- வாடிவாசல் படத்தின் ரிலீஸ் மற்றும் ஷூட்டிங் எப்போது தெரியுமா?

தமிழ் சினிமாவில் சூப்பர் ஹிட் படங்களை இயக்குவதில் முக்கியமானவர் தான் வெற்றி மாறன்.இவர் தற்பொழுது நடிகர் சூரியை வைத்து விடுதலை படத்தை இயக்கி வருகின்றார். இப்படம் இரண்டு பாகங்களாக உருவாகவுள்ளது.இப்படம் ஒரு சிறுகதையை அடிப்படையாகக் கொண்டது.

இதனைத் தொடர்ந்து சூர்யாவை வைத்து "வாடிவாசல்" என்னும் படத்தை இயக்கவுள்ளார். இப்படத்தின் டைட்டில் கடந்த ஆண்டு வெளியாகி ரசிகர்களிடம் ஏகோபித்த வரவேற்பையும் எதிர்பார்ப்பையும் ஏற்படுத்தியுள்ளது.

வாடிவாசல் படத்திற்கு இசையமைப்பாளர் ஜீ வி பிரகாஷ்குமார் இசையமைக்கிறார். படத்தின் பூர்வாங்க பணிகள் தற்போது நடைபெற்றுக் கொண்டிருக்கின்றன.சில நாட்களுக்கு முன் வாடிவாசல் படத்தின் வெள்ளோட்ட படப்பிடிப்பு சென்னை கிழக்கு கடற்கரை சாலையில் நடைபெற்றது.

மதுரை மாவட்டம் உசிலம்பட்டி முதலைக்குளம் அருகே உள்ள கீழப்பட்டி கிராம மாசி சிவன் ராத்திரி களரி திருவிழா செட் அமைத்து ஜல்லிக்கட்டு காட்சிகள் படமாக்கப்பட்டன.இந்த வெள்ளோட்ட படப்பிடிப்பில் ஜல்லிக்கட்டு காளைகளுடன் சூர்யா பயிற்சி எடுக்கும் கிளிம்ப்ஸ் வீடியோ சூர்யா பிறந்த நாளை ஒட்டி வெளியானது குறிப்பிடத்தக்கது.

இந்நிலையில் இந்த படத்தின் தயாரிப்பாளர் கலைப்புலி தாணு, பிரபல சேனலுக்கு பிரத்யேகமான பேட்டி அளித்துள்ளார். அதில் வாடிவாசல் படத்தின் ரிலீஸ் மற்றும் படப்பிடிப்பு குறித்த கேள்விகளுக்கு பதில் அளித்துள்ளார். வாடிவாசல் படத்தின் ரிலீஸ் தேதி மற்றும் படப்பிடிப்பு தேதி குறித்த தகவல்களை இயக்குநர் வெற்றிமாறன் தான் முடிவு செய்வார் என்றும் வெற்றிமாறன் ஒரு தெய்வீக இயக்குநர் என்றும் தாணு கூறியுள்ளார்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை