கமல் தயாரிப்பில் நடிக்கவுள்ள சூப்பர் ஸ்டார் ரஜனி-இயக்குநர் யார் தெரியுமா..? மஸாக வெளிவந்த அறிவிப்பு..!

தமிழ் சினிமாவில் சமீபத்தில் பெரும் அதிர்வலைகளை ஏற்படுத்தியுள்ள திரைப்படம் என்றால் அது விக்ரம் என்று தான் கூற வேண்டும். கமல்ஹாசன் நடித்து தயாரித்திருக்கும் இப்படத்தை லோகேஷ் கனகராஜ் இயக்கியிருந்தார். அனிருத் இசையில் கமலுடன் இப்படத்தில் விஜய் சேதுபதி மற்றும் ஃபஹத் ஃபாசில் ஆகியோரும் நடித்திருந்தனர்.

மிகப்பெரிய எதிர்பார்ப்பில் கடந்த ஜூன் 3 ஆம் தேதி வெளியான இப்படம் ரசிகர்களின் அமோக வரவேற்பை பெற்று 400 கோடி வசூல் செய்து தமிழ் சினிமாவல் சாதனை படைத்தது. அதுமட்டுமல்லாமல் கடந்த சில மாதங்களாக முன்னணி நடிகர்களின் படங்கள் தொடர்ந்து சொதப்ப தமிழ் சினிமா மீதும், நடிகர்கள் மீதும் கடுமையான விமர்சனங்கள் எழுந்தன.

மேலும் அந்த விமர்சனத்திற்கெல்லாம் விக்ரம் திரைப்படம் பதிலடி கொடுத்துள்ளதால் ஒட்டுமொத்த தமிழ் சினிமாவும் விக்ரம் திரைப்படத்தை கொண்டாடி வருகின்றது. இந்நிலையில் தற்போது வந்த தகவலின் படி மீண்டும் லோகேஷ் மற்றும் கமல்ஹாசன் இணையவுள்ளதாக செய்திகள் பரவி வருகின்றன.

ஆனால் இம்முறை கமல் இப்படத்திற்கு தயாரிப்பாளராக மட்டுமே இருப்பார் என்றும் சூப்பர்ஸ்டார் ரஜினிகாந்த் கதாநாயகனாக நடிப்பார் என்ற தகவலும் வந்துள்ளது. ஏற்கனவே விக்ரம் படத்திற்கு முன்பே கமல்ஹாசன் தயாரிப்பில் லோகேஷின் இயக்கத்தில் ரஜினி நடிப்பதாக இருந்தது.

ஆனால் கொரோனா தொற்று சூழல் காரணமாக இப்படம் தள்ளிவைக்கப்பட்டது. மேலும் இதைத்தொடர்ந்து தான் கமல் விக்ரம் படத்தை தயாரித்து நடித்தார். இந்நிலையில் ரஜினி ஜெயிலர் படத்திற்கு பிறகு கமல்ஹாசன் தயாரிப்பில் லோகேஷ் இயக்கத்தில் நடிக்கவுள்ளார் என்ற செய்தி வெளியாகி ரசிகர்களை குஷிப்படுத்தியுள்ளது குறிப்பிடத்தக்கது.

பிற செய்திகள்

சமூக ஊடகங்களில்: