நம்ம சரவணா ஸ்டோர்ஸ் லெஜண்டுக்கு இத்தனை பாஷை தெரியுமா? வைரலாகும் வீடியோ..!

சரவணா ஸ்டோர்ஸ் உரிமையாளரான சரவணன் தன் கடை விளம்பர படங்களில் நடிக்கத் துவங்கினார். அதை பார்த்தவர்களோ, அழகு அழகு நடிகைகளுடன் வருகிறாரே என்று வயித்தெரிச்சல் அடைந்தார்கள்.

இந்நிலையில் நான் ஏன் படத்தில் கதாநாயகனாக நடிக்கக் கூடாது என்று ஒரு முடிவு எடுத்தார் சரவணன். இதையடுத்து ஜேடி-ஜெர்ரி இயக்கத்தில் தி லெஜண்ட் படத்தில் ஹீரோவாக நடித்து முடித்துள்ளார்.

மேலும் பெரும் பொருட்செலவில் உருவாகியிருக்கும் தி லெஜண்ட் படத்தை சரவணன் தான் தயாரித்திருக்கிறார்.அத்தோடு அந்த படம் மூலம் பாலிவுட் நடிகை ஊர்வசி ரவ்தெலா தமிழ் திரையுலகில் அறிமுகமாகிறார்.

தி லெஜண்ட் படம் ஜூலை 28ம் தேதி தியேட்டர்களில் ரிலீஸாக உள்ளது. சரவணனின் முதல் படமே தமிழ், தெலுங்கு, இந்தி, மலையாளம், கன்னடம் என ஐந்து மொழிகளில் ரிலீஸாகவிருக்கிறது.

உலக அளவில் 2 ஆயிரத்து 500 தியேட்டர்களில் தி லெஜண்ட் வெளியாகவிருக்கிறது. இந்நிலையில் பட விழாவில் ஊர்வசி ரவ்தெலா மற்றும் ராய் லட்சுமியுடன் கலந்து கொண்டார் சரவணன்.

மேலும் அந்த விழா மேடையில் தமிழ், தெலுங்கு, இந்தி, ஆங்கிலம் கலந்து பேசினார். நம்ம லெஜண்டுக்கு இத்தனை மொழிகள் தெரியுமா என ரசிகர்கள் வாயடைத்துப்போயிட்டார்கள்.