_64219617f1d5e.jpg)
இந்திய சினிமாவின் முன்னணி இயக்குநராக வலம் வருபவர் இயக்குனர் ஷங்கர். தற்போது தெலுங்கில் ராம்சரண் நடிக்கும் பெயரிடப்படாத RC15 என அழைக்கப்படும் தெலுங்கு படத்தையும் கமல்ஹாசன் நடிப்பில் இந்தியன் 2 படத்தினையும் ஒரு சேர இயக்கி வருகிறார்.
கேம் சேஞ்சர் படத்தில் ராம்சரண்- கீரா அத்வானியுடன் நடிகர்கள் ஜெயராம், சுனில், அஞ்சலி, எஸ் ஜே சூர்யா ஆகியோர் முக்கிய கதாபாத்திரங்களில் நடிக்கிறார்கள். அத்தோடு தில் ராஜூ தயாரிக்கும் இந்த படத்தின் படப்பிடிப்பு தற்போது முழு வீச்சில் நடைபெற்று வருகிறது.
இந்த படத்தின் முதற்கட்ட படப்பிடிப்பு மகாராஷ்டிரா மாநிலத்தில் உள்ள புனே நகரில் நடைபெற்றது. அடுத்தக்கட்ட படப்பிடிப்பு ராஜமுந்திரி அருகே உள்ள தோசகாயலபள்ளி கிராமத்தில் நடந்தது.இதன் பின் மூன்றாம் கட்ட படப்பிடிப்பு பஞ்சாப் மாநிலம் அமிர்தசரஸில் நடந்தது. நான்காம் கட்ட படப்பிடிப்பு கடந்த மே மாதம் விசாகப்பட்டினத்தில் நடந்தது. ஒரு பாடல் காட்சி நியூசிலாந்து நாட்டில் நடைபெற்றது.
அத்தோடு பிரபல ஒளிப்பதிவாளர் திரு (எ) திருநாவுக்கரசு ISC இந்த படத்திற்கு ஒளிப்பதிவு செய்கிறார். இசையமைப்பாளர் தமன் இசையமைக்கிறார். இந்நிலையில் நடிகர் ராம்சரண் இன்று தனது 38-வது பிறந்தநாளை கொண்டாடுகிறார். இதனை முன்னிட்டு இன்று காலை இந்த படத்தின் டைட்டில் 'Game Changer' என அறிவிக்கப்பட்டது.
இன்று மாலை இந்த படத்தின் முதல் லுக் போஸ்டர் வெளியிடப்பட்டுள்ளது. அதாவது இரு சக்கர வாகனம் மீது ராம்சரண் அமர்ந்து இருக்கும் புகைப்படத்துடன் போஸ்டர் அமைந்துள்ளது. இயக்குனர் கார்த்திக் சுப்புராஜ் இந்த படத்தின் எழுத்தாளராக பணிபுரிகிறார். போஸ்டரில் பாடலாசிரியர் விவேக், நடன இயக்குனர்கள் பிரபு தேவா, ஜானி, சாண்டி பெயரும் இடம்பெற்றுள்ளது குறிப்பிடத்தக்கது.
_64219a05a57d0.jpg)
.png)
.png)
Listen News!