அப்பாஸ் முதல் சோனியா அகர்வால் வரை.. பிக் பாஸ் சீசன் 7க்கு வராங்களா? வெளியான பெயர் பட்டியல் இதோ..!

விஜய் டிவியில் ஒளிபரப்பாகும் பிக் பாஸ் நிகழ்ச்சி இந்த சீசன் ரசிகர்களை கவரும் விதமாக அதிரடி ப்ரோமோவை விஜய் டிவி வெளியிட்டு மீண்டும் ரசிகர்களை பிக் பாஸ் நிகழ்ச்சி பக்கம் கொண்டு வரும் முயற்சியில் பல வித்தியாசங்களையும் பிரபல நடிகர்களையும் களமிறக்கப் போவதாக தகவல்கள் வெளியாகி உள்ளன.

கடந்த சில சீசன்களாக பரிட்சையம் இல்லாத நபர்கள் பிக் பாஸ் வீட்டில் நுழைந்ததால் தான் ரசிகர்கள் பெரிதும் கனெக்ட் ஆகவில்லை என்றும் டிஆர்பி குறைந்து விட்டதாகவும் கூறினர்.

இந்நிலையில், இந்த முறை பிக் பாஸ் வீட்டையே இரண்டாக மாற்றியது மட்டுமின்றி அப்பாஸ், சோனியா அகர்வால் போன்ற பல பிரபலங்களையும் பிக் பாஸ் போட்டியாளர்களாக களமிறக்கப் போவதாக அப்டேட்கள் கிடைத்துள்ளன.

கமல்ஹாசன் டபுள் ஆக்‌ஷன் கொடுத்து அதிரடி ப்ரோமோவில் நடித்த நிலையில், நேற்று வெளியான அந்த ப்ரோமோ டிரெண்டாகி வருகிறது. வரும் அக்டோபர் முதல் வாரத்திலேயே பிக்பாஸ் நிகழ்ச்சி ஆரம்பம் ஆகிவிடும் என எதிர்பார்க்கப்படுகிறது.

வழக்கமாக ஞாயிற்றுக்கிழமை தான் நிகழ்ச்சியை ஆரம்பிப்பார்கள் என்பதால், அக்டோபர் 8ம் தேதியே பிக் பாஸ் நிகழ்ச்சி பிரம்மாண்ட துவக்க விழா நிகழ்ச்சியுடன் ஆரம்பம் ஆகும் என்பது உறுதியாகி உள்ளது. விரைவில் அதுதொடர்பான அறிவிப்பை விஜய் டிவி அறிவிக்கும் என தெரிகிறது.

இந்த முறை ஒட்டுமொத்தமாக 18 போட்டியாளர்கள் ஆரம்பத்திலேயே பிக்பாஸ் ஆரம்ப நிகழ்ச்சியிலேயே அந்த வீட்டுக்குள் செல்லப் போவதாக கூறுகின்றனர். போட்டியாளர்களின் பெயர்கள் குறித்து தகவல்களும் தற்போது கசிந்துள்ளன.