தமிழ் சினிமாவில் வெயில் என்ற படத்திற்கு இசைஅமைத்ததன் மூவம் இசையமைப்பாளராக அறிமுகமாகியவர் தான் ஜி.வி. பிரகாஷ். இவர் ஒரு இசையமைப்பாளர் மட்டுமன்றி பாடகர், நடிகர் என பல துறைகளில் பணிபுரிந்து வருபவர்.மேலும் இவர் இசைத்துறையில் புகழ்பெற்ற ஏ.ஆர்.ரகுமானின் அக்கா மகன் என்பது குறிப்பிடத்தக்கது.
இதன் பின் இவர் ஜென்டில்மேன் திரைப்படத்தில் ஒரு பாடகனாக அறிமுகமாகி இருந்தார். அதன் பின்னர் இவர் ஹீரோவாக நடிக்கவும் தொடங்கி இருந்தார். அதுவும் , இவருடைய பென்சில், டார்லிங், திரிஷா இல்லனா நயன்தாரா, சிவப்பு மஞ்சள் பச்சை ஆகிய பல படங்கள் சூப்பர் ஹிட் கொடுத்து இருக்கிறது. இதனால் இவருக்கு என்று ஒரு தனி ரசிகர் பட்டாளமே உள்ளது.
கடந்த ஆண்டு ஜிவி பிரகாஷ் நடிப்பில் வெளிவந்த பேச்சிலர் படமும், ஜெயில் படமும் மக்கள் மத்தியில் கலவையான விமர்சனத்தை பெற்றிருந்தது. அத்தோடு சமீபத்தில் ஜிவி பிரகாஷின் நடிப்பில் வெளிவந்த இருந்த படம் செல்பி. இயக்குநர் வெற்றி மாறனின் உதவி இயக்குநர்களில் ஒருவரான மதிமாறன் இயக்கத்தில் இந்த படம் வெளியாகி இருந்தது. மேலும் இந்த படம் ஆக்சன், திரில்லர் பாணியில் உருவாகி இருந்தது. இந்தப் படத்தில் இயக்குநர் கவுதம் வாசு தேவ் மேனன் முக்கிய கதாபாத்திரத்தில் நடித்து இருந்தார்.
அத்தோடு , இந்த படம் ரசிகர்கள் மத்தியில் கலவையான விமர்சனத்தை பெற்றிருந்தது. தற்போது விவேக் இயக்கத்தில் ஜிவி பிரகாஷ் நடித்திருக்கும் படம் 13. இந்த படம் ஹாரர் கிரைம் த்ரில்லர் பாணியில் உருவாக்கப்பட்டிருக்கிறது. சமீபத்தில் தான் இந்த படத்தின் செய்தியாளர் சந்திப்பு நடைபெற்று இருந்தது. இந்த படம் கூடிய விரைவில் வெளியாகுமென்று எதிர்பார்க்கப்படுகிறது. இதனை தொடர்ந்து ஜி.வி. பிரகாஷ் அவர்கள் ஹாலிவுட்டில் நடிக்க போகிறார் என்ற தகவல் சமூக வலைதளங்களில் வைரலாகி இருந்தது.
“ட்ராப் சிட்டி”(trap city) என்ற படத்தில் தான் ஜி வி பிரகாஷ் நடிக்கப் போகிறார் என்ற தகவல் அதிகாரபூர்வமாக படக்குழுவினர் தெரிவித்து இருந்தார்கள். ஜி.வி. பிரகாஷ் படம் என்றாலே காமெடியும், கெமிஸ்ட்ரிக்கும் அளவே இல்லை என்று கூட சொல்லலாம். அந்த வகையில் இந்த ட்ராப் சிட்டி படமும் மக்கள் அனைவரும் விரும்பி பார்க்கும் வகையில் இருக்கும் என்று கூறப்படுகிறது. தற்போது ஜிவி பிரகாஷ் அவர்கள் சீனு ராமசாமி இயக்கத்தில் இடிமுழக்கம் என்ற படத்தில் நடித்திருக்கிறார். இந்த படத்தின் பர்ஸ்ட் லுக் போஸ்டர் ஜூன் 13ஆம் தேதி வெளியாக உள்ளது.
இந்நிலையில் ஜிவி பிரகாஷ் ட்விட்டர் பக்கத்தில் ஒரு புகைப்படத்தை பகிர்ந்திருக்கிறார். அதில் அவர், 27 வருடங்களுக்குப் பிறகு அதே நபரை சந்திக்கிறேன். அப்துல்ஹமீத் சார் என்று குறிப்பிட்டு 27 வருடங்களுக்கு முன்னால் அவருடன் எடுத்த புகைப்படத்தையும் தற்போது அவருடன் இருக்கும் புகைப்படத்தையும் பகிர்ந்திருக்கிறார். இந்த புகைப்படம் ஏ.ஆர் ரஹ்மான் மகள் கதீஜா – ரியாஸ்தீன் ஷேக் ஆகியோரது திருமண வரவேற்பு நிகழ்ச்சியில் எடுக்கப்பட்டது என்பது குறிப்பிடத்தக்கது.
😍@gvprakash 🔥 pic.twitter.com/6txr9WwCl5
— 🎭Vj✊🐅தரன்🔥🐆 #GoHomeGota (@vijaytharan2) June 11, 2022
பிற செய்திகள்:
- 21வருடங்களின் பின்னர் படத்தில் நடித்திருக்கும் ஷாலினி…எந்த படம் தெரியுமா..?
- திடீரென மன்னிப்பு கேட்ட விக்னேஷ்வரன்-இது தான் காரணமா..?
- அடடே இது நம்ம புன்னகை அரசியாச்சே-யாருடன் புகைப்படம் எடுத்துள்ளார் தெரியுமா..?
- நடிகை திவ்யபாரதியின் வைரலாகும் போட்டோக்கள்-என்ன ஒரு அழகு..!
சமூக ஊடகங்களில்:
- Facebook : சினிசமூகம் முகநூல்
- Twitter: சினிசமூகம் ட்விட்டர்
- Instagram : சினிசமூகம் இன்ஸ்டாகிராம்
- YouTube : சினிசமூகம் யு டியூப்
Listen News!