ப்ரியங்கா சோப்ராவுக்கு விலையுயர்ந்த காரை பரிசளித்த அவரது கணவர்- இது என்ன வித்தியாசமான மாடலாக இருக்கே

தமிழில் விஜய் நடிப்பில் வெளியான தமிழன் என்னும் திரைப்படத்தின் மூலம் அறிமுகமானவர் தான் ப்ரியங்கா சோப்ரா. இப்படத்தை தொடர்ந்து பாலிவுட் சினிமாவில் வாய்ப்புக்கள் குவிந்ததால் அங்கு நடித்து முன்னணி நடிகையாகவும் வலம் வருகின்றார்.

பாலிவுட் சினிமாவில் பல முன்னணி நடிகர்களுடன் நடித்த இவருக்கு 2018ம் ஆண்டு ஜோத்பூர் அரண்மனையில் நிக் ஜோனஸ் என்பவருடன் இந்து மதம் மற்றும் கிறிஸ்துவ முறைப்படி படு பிரம்மாண்டமாக திருமணம் நடந்தது.

கடந்த சில மாதங்களுக்கு முன் தான் வாடகை தாய் மூலம் பெண் குழந்தையையும் பெற்றார். மகளுக்கு மாலடி மேரி எனவும் பெயர் வைத்தனர். இப்போது படப்பிடிப்பில் பிஸியாக இருக்கும் ப்ரியங்காவுக்கு அவரது கணவர் விலையுயர்ந்த கார் ஒன்றை பரிசளித்துள்ளார்.

கடற்கரை மணல், ஆன் ரோடு இப்படிபட்ட நிலப்பரப்புகளும் ஓட்டக்கூடிய All Terrain Vehicle மாடல் காரை பரிசளித்து இருக்கிறார். இதனை தனது சமூக வலைத்தளப் பக்கத்தில் அவர் பதிவிட்டுள்ளார் என்பதும் குறிப்பிடத்தக்கது.