விஜய் - வெங்கட் பிரபு கூட்டணி இணைந்தது எப்படி.?: முக்கிய பிரபலம் பகிர்ந்த தகவல்.!

தமிழ் சினிமாவின் தற்போதைய ஹாட் டாபிக்காக இருப்பது விஜய், வெங்கட் பிரபு கூட்டணி பற்றிய தான். அஜித்தை வைத்து மிகப்பெரிய பிளாக் பஸ்டர் ஹிட் கொடுத்த வெங்கட் பிரபுவுடன் விஜய் இணைவது எப்படி என்பது ரசிகர்களின் மில்லியன் ஏக்கர் கேள்வியாக உள்ளது. இந்நிலையில் விஜய், வெங்கட் பிரபு இணையவுள்ள படம் குறித்து வலைப்பேச்சு பிஸ்மி பேசியுள்ளது சோஷியல் மீடியாவில் வைரலாகி வருகிறது.

'வாரிசு' படத்தினை தொடர்ந்து விஜய் தற்போது லோகேஷ் கனகராஜ் இயக்கத்தில் 'லியோ' படத்தில் நடித்து வருகிறார். கோலிவுட் சினிமா பெரிதும் எதிர்பார்க்கும் படமாக 'லியோ' உருவாகி வருகிறது. இதன் முதல்கட்ட படப்பிடிப்பு காஷ்மீரில் ஒரு மாதத்திற்கு மேலாக நடைபெற்றது. அத்தோடு 'மாஸ்டர்' படத்திற்கு பிறகு இரண்டாவது முறையாக இந்த கூட்டணி இணைந்துள்ளதால் ரசிகர்கள் மத்தியில் எக்கச்சக்க எதிர்பார்ப்பு ஏற்பட்டுள்ளது.

'லியோ' படத்தில் நீண்ட இடைவேளைக்கு பிறகு விஜய்யுடன் இணைந்து நடித்து வருகிறார் திரிஷா. அத்துடன் பிரபல பாலிவுட் நடிகர் சஞ்சய் தத், பிரபல இயக்குனர்கள் மிஷ்கின், கெளதம் மேனன் மற்றும் அர்ஜுன், மேத்யூ, மன்சூர் அலிகான், பிரியா ஆனந்த், சாண்டி மாஸ்டர் உள்ளிட்டோர் நடித்து வருகின்றனர். இந்தப்படத்தை முழுக்க முழக்க தன்னுடைய பாணியில் அதிரடி ஆக்ஷன் படமாக இயக்கி வருகிறார் லோகேஷ் கனகராஜ்.

'லியோ' படப்பிடிப்பே இன்னமும் முடியாத நிலையில் விஜய் அடுத்ததாக நடிக்கவுள்ள 'தளபதி 68' படத்தின் இயக்குனர் குறித்த பேச்சுக்கள் சமூகவலைத்தளத்தில் வைரலாகி வருகின்றன.அத அந்த வகையில் விஜய் அடுத்த படத்தை வெங்கட் பிரபு இயக்கவுள்ளதாக செய்திகள் வெளியாகி கோலிவுட்டே பரபரப்பாகியுள்ளது. இந்நிலையில் இந்த கூட்டணி இணைந்துள்ளது குறித்து வலைப்பேச்சு பிஸ்மி பேசியுள்ளது இணையத்தில் வைரலாகி வருகிறது.

அத்தோடு அதில், 'கஸ்டடி' படத்தின் ரிலீசுக்கு முன்பே இந்த கூட்டணி உறுதி செய்யப்பட்டுள்ளதாக கூறியுள்ளார். அத்தோடு ஏஜிஎஸ் தயாரிப்பில் சிவகார்த்திகேயன், வெங்கட் பிரபு கூட்டணியில் ஒரு படம் உருவாக திட்டமிடப்பட்டிருந்த நிலையில் சிவகார்த்திகேயன் அடுத்தடுத்த படங்களில் பிசியாக இருப்பதால், வெங்கட் பிரபு தற்போது விஜய்க்கு கதை சொல்லியிருப்பதாகவும், விஜய்க்கும் அவர் சொன்ன கதை பிடித்திருப்பதால் 'தளபதி 68' படத்தை வெங்கட் பிரபு இயக்க வாய்ப்புள்ளதாக தெரிவித்துள்ளார். இதனால் ரசிகர்கள் உச்சக்கட்ட எதிர்பார்ப்பில் உள்ளனர்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை