காலா, வலிமை என சில தமிழ்ப் படங்களில் நடித்துள்ள பிரபல பாலிவுட் நடிகை ஹூமா குரேஷி தனது காதலருடன் பிரேக்கப் செய்து கொண்டதாக தகவல்கள் தீயாய் பரவி வருகின்றது.
இயக்குநர் அனுராக் காஷ்யப் இயக்கத்தில் கடந்த 2012ம் ஆண்டு வெளியான கேங்ஸ் ஆஃப் வாசிப்பூர் படத்தின் மூலம் பாலிவுட் நடிகையாக அறிமுகமானவர் ஹூமா குரேஷி. ஷார்ட்ஸ், டி டே, பத்லாபூர், ஹை வே, ஒயிட், பெல் பாட்டம் உள்ளிட்ட பல படங்களில் கதாநாயகியாக நடித்துள்ளார். ஆலியா பட் நடிப்பில் இந்த ஆண்டு வெளியான கங்குபாய் கத்தியாவடி படத்தில் ஒரு பாடலுக்கு நடனமாடி இருந்தார்.
இந்தி, மராத்தி, ஆங்கில மொழிகளில் படங்களில் நடித்து வந்த ஹூமா குரேஷி கடந்த 2018ம் ஆண்டு பா. ரஞ்சித் இயக்கத்தில் ரஜினிகாந்த் நடித்த காலா படத்தின் மூலம் தமிழில் அறிமுகமானார். அத்தோடு காலாவின் முன்னாள் காதலியாகவும் நெகட்டிவ் ஷேட் உடனும் நடித்து அசத்தி இருப்பார் ஹூமா குரேஷி.
காலா படத்திற்கு பின்னர் இந்த ஆண்டு அஜித் நடிப்பில் வெளியான வலிமை படத்தில் இணைந்து ஆக்ஷனில் அசத்தி இருந்தார் ஹூமா குரேஷி. அத்தோடு காலா படத்திலாவது இவருக்கும் ரஜினிக்கும் ஒரு பாடல் இருந்திருக்கும். ஆனால், வலிமை படத்தில் எந்தவொரு பாடல் காட்சியும் இல்லாதது ரசிகர்களை சற்றே ஏமாற்றியது என்று தான் கூற வேண்டும்.
ஹூமா குரேஷி, சோனாக்ஷி சின்ஹா, மகத் நடிப்பில் உருவாகி உள்ள டபுள் எக்ஸ் எல் திரைப்படம் வரும் நவம்பர் 4ம் தேதி திரைக்கு வருகிறது. இவ்வாறுஇருக்கையில், ஹூமா குரேஷியும் அவரது நீண்ட நாள் காதலருக்கும் இடையே கருத்து வேறுபாடு ஏற்பட்ட நிலையில் இருவரும் ஒருவரை ஒருவர் பிரிந்து விட்டதாக பரபரப்பு தகவல்கள் வெளியாகி உள்ளன.
டபுள் எக்ஸ் எல் படத்தின் திரைக்கதை ஆசிரியரான முதாஸர் அசீஸ் தான் ஹூமா குரேஷியின் அந்த ரொமான்டிக் காதலர்.அத்தோடு கடந்த 3 ஆண்டுகளாக இருவரும் ஒருவரை ஒருவர் உருகி காதலித்து வந்த நிலையில், காதலரின் பேச்சைக் கேட்டே தயாரிப்பு நிறுவனத்தை ஆரம்பித்து இந்த படத்தையும் தயாரித்துள்ளார் ஹூமா குரேஷி. ஆனால், என்ன மனகசப்பு ஏற்பட்டதோ தெரியவில்லை இருவரும் படம் வெளியாகும் முன்பே பிரிந்து விட்டதாக கூறப்படுகிறது. ஒருவேளை படத்தின் புரமோஷனுக்கான நம்பியார் காலத்து டெக்னிக்கா என்றும் நெட்டிசன்கள் கலாய்த்து வருகின்றனர்.
Listen News!