நான் இந்த நடிகரைத் தான் காதலிக்கின்றேன்... காதல் குறித்து முதன் முறையாக வெளிப்படையாக சொன்ன தமன்னா..!

நடிகை தமன்னாவும், பாலிவுட் நடிகர் விஜய் வர்மாவும் காதலிப்பதாக சமீபகாலமாக ஒரு செய்தி பரபரப்பாக பேசப்படுகிறது. இருப்பினும் இவர்கள் இருவரும் இதுவரை தங்கள் காதலை வெளிப்படையாக உறுதி செய்யவில்லை.

அதாவது கோவாவில் நடைபெற்ற புத்தாண்டு கொண்டாட்டத்தில் கலந்து கொண்ட தமன்னா, அதில் நடிகர் விஜய் வர்மாவுக்கு லிப்லாக் முத்தம் கொடுத்த வீடியோ வெளியாகியமைத் தொடர்ந்து தான் இவ்வாறான காதல் கிசுகிசுக்கள் உலா வந்தன.

இதனையடுத்து இவர்கள் இருவரும் ஜோடியாக ரொமாண்டிக் டின்னர் டேட்டிங் சென்றபோது எடுக்கப்பட்ட வீடியோ வெளியாகி வைரலானது. இதனால் இவர்கள் இருவரும் காதலிப்பது உண்மை என ரசிகர்கள் பலரும் முடிவு பண்ணி விட்டார்கள்.

இந்நிலையில் சமீபத்தில் இடம்பெற்ற பேட்டி ஒன்றில் காதல் குறித்து தமன்னா வெளிப்படையாக பேசி உள்ளார். அந்தவகையில் அவர் கூறுகையில் "ஒருவர் சக நடிகராக இருப்பதாலேயே அவர்மீது காதல் கொள்வேன் என்று நான் நினைக்கவில்லை. என் சினிமா பயணத்தில் எனக்கு இதுவரை எத்தனையோ சக நடிகர்கள் இருந்திருக்கிறார்கள்.

பொதுவாகவே ஒருவர் யாரிடமாவது காதல் கொள்ள வேண்டும் என்றால், அவரிடம் தனிப்பட்ட முறையில் எதாவது ஒன்று இருக்க வேண்டும். அவர்கள் வாழ்க்கைக்காக என்ன செய்கிறார்கள் என்பதற்கும் அதற்கும் எந்த விதமான சம்பந்தமும் இல்லை, இது நடக்கக் காரணம் அதுவல்ல என்று நான் நினைக்கிறேன்" என்றார்.

மேலும் தமன்னா தொடர்ந்து பேசுகையில் "லஸ்ட் ஸ்டோரிஸ் 2 படப்பிடிப்பில் தான் விஜய் வர்மா உடன் எனக்கு காதல் ஏற்பட்டது. நான் மிகவும் எதிர்பார்க்கும் நபர் அவர். அவருடனான எனது உறவு என்பது மிக மிக இயல்பாக எங்களுக்குள் ஏற்பட்டது. தனக்கான எல்லாவற்றையும் விட்டுவிட்டு எனக்காக அவர் வந்தவர். அதனால் எனது கட்டுப்பாடுகளை விட்டு வெளியே வருவது எனக்கு மிகவும் எளிதாகிவிட்டது. சாதிக்கும் பெண்கள் தனக்கான எல்லாவற்றிற்கும் கடினமாக உழைக்க வேண்டும் என்று நினைக்கும் பிரச்சனை உள்ளது.

இருந்தாலும் மிகவும் எளிமையாக இருக்கும் போது, நீங்களாக கடினமாக நடக்க வேண்டிய அவசியமில்லை. ஏனென்றால் இந்தியாவில் ஒரு பெண் தன் வாழ்நாள் முழுவதையும் யாரோ ஒருவருக்காக எங்களை மாற்றிக் கொள்ள வேண்டும் என்று நினைக்கிறோம். உங்களுக்கான சரியான நபரை கண்டுபிடிக்க வேண்டும் என்றால், நீங்கள் உடல் ரீதியாக அல்லது அந்த நபரின் புரிதலுக்கு உதவும் பல விஷயங்களைச் செய்ய வேண்டியிருக்கும்.

ஆனால் நான் எனக்காக ஒரு உலகத்தை உருவாக்கியது போல் உணர்ந்தேன். நான் எதுவும் செய்யாமலேயே அந்த உலகத்தைப் புரிந்துகொண்ட அப்படிப்பட்ட ஒரு நபர் எனக்கு கிடைத்தார். அவர் என் மீது ஆழ்ந்த அக்கறை கொண்ட நபர், அவர் தான் என்னுடைய மகிழ்ச்சிக்கான மொத்த இடம்" எனவும் விஜய் வர்மா பற்றிக் குறிப்பிட்டிருந்தார் தமன்னா.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை