மூக்குத்தி முருகன் படத்தில் உங்களை பார்த்திருக்கின்றேன்- விசேஷ வீட்டில் ஆர். கே பாலாஜி பட்ட அவமானம்

நிகழ்ச்சித் தொகுப்பாளராக அறிமுகமாகி பின்பு காமெடியனாகவும் தற்பொழுது கதாநாயகனாகவும் நடித்து வருபவர் தான் ஆர்.ஜே.பாலாஜி. இவர் தற்பொழுது இந்தியில் வெளியாகி, தேசிய விருதை வென்ற பதாய் ஹோ என்கிற படத்தின் தமிழ் ரீமேக் படமான வீட்ல விசேஷம் என்னும் படத்தில் நடித்து முடித்துள்ளார்.

இப்படத்தில் இவருடன் இணைந்து அபர்ணா பாலமுரளி, சத்யராஜ், ஊர்வசி ஆகியோரும் முக்கிய கதாப்பாத்திரத்தில் நடித்துள்ளனர். இந்தப் படம் வரும் ஜுன் மாதம் 17ம் திகதி வெளியாகவுள்ளது. இதனால் இப்படத்தின் ப்ரமோஷன் நிகழ்ச்சியில் படக்குழுவினர் ஆர்வமாக பங்கு பற்றி வருகின்றனர்.

அதன்படி, காயத்ரி என்கிற பெண்மணியின் வளைகாப்புக்கு எவ்வித முன் தகவலும் இன்றி திடீரென நடிகர் ஆர்.ஜே.பாலாஜி சென்று சர்ப்ரைஸ் கொடுத்து அசத்தியுள்ளார். சென்னை வேளச்சேரியில் உள்ள ஒரு மண்டபத்தில் நடந்த இந்த வளைகாப்பு நிகழ்வுக்கு நடைபெற்றிருக்கின்றது.

மேலும் முன்பின் தெரியாத ஒரு குடும்பத்தின் இந்த நிகழ்வுக்கு தாம்பூல தட்டுடன் சென்ற ஆர்.ஜே.பாலாஜி, “எனக்கே பதட்டமா இருக்கு.. இந்த குடும்பத்துல நம்மள ஒருத்தர சேர்த்துகிட்டாங்களேன்னு தெரியல” என்று சொல்லி எண்ட்ரி கொடுத்தார்.
அதன் பின்னர், வளைகாப்பு கொண்டாடப்படும் பெண்ணான காயத்ரியின் கையில் சீர்வரிசை தட்டை கொடுத்த பாலாஜி, “எங்க படத்துல இப்பதான் என் அம்மாவுக்கு வளைகாப்பு நடத்தினோம்.. நான் ஒரு அண்ணனாக உங்களுக்கு சந்தனம், மஞ்சள் வைத்துவிடுகிறேன்மா..” என்று சொல்ல, அருகில் இருந்த ஒரு நபர் மூக்குத்தி முருகன் படத்தில் ஆர்.ஜே.பாலாஜியை பார்த்ததாக சொல்ல, “அது மூக்குத்தி அம்மன்மா” என சொல்லி பாலாஜி கலகலப்பாக பேசினார்.

மேலும் வளைகாப்பு தம்பதியை வாழ்த்திய பின்னர், அவர்களிடம் ‘வீட்ல விசேஷம்’ திரைப்படத்திற்கான அழைப்பை கொடுத்து, “குழந்தை பிறக்கும் முன் நீங்கள் பார்த்த படமாக வீட்ல விசேஷம் படத்தை சொல்லுங்கள்.!” என சொல்லி, அனைவருடனும் புகைப்படம் எடுத்துவிட்டு மீண்டும் வாழ்த்திவிட்டு, நன்றி தெரிவித்து சென்றார் என்பதும் குறிப்பிடத்தக்கது.

பிற செய்திகள்