தென்னிந்தியா சினிமாவில் பிரபல இயக்குநராக இருப்பவர் பாரதிராஜா. இவர் சமீபத்தில் வெளியான திருச்சிற்றம்பலம் படத்தின் தனுஷுக்கு தாத்தாவாக நடித்துள்ளார். இயக்கத்தில் மட்டுமல்லாமல் நடிப்பிலும் சிறந்து விளங்கும் இவரை ரசிகர்கள் கொண்டாடி வந்தனர்.
இந்நிலையில் 81 வயதான இயக்குனர் பாரதிராஜாவுக்கு, சமீபத்தில் மதுரை சென்று திரும்புகையில் திடீர் உடல்நல குறைவு ஏற்பட்டது.எனினும் இதையடுத்து சென்னை திரும்புவதற்காக விமான நிலையம் வந்த இயக்குனர் அங்கேயே மயங்கி விழுந்துள்ளார்.
இதையடுத்து மருத்துவ சிகிச்சைக்கு பிறகு ஒரு நாள் மதுரையிலேயே தங்கி ஓய்வெடுத்த பின்னர் சென்னை திரும்பினார். இதன் பின்னர் விடு திரும்பிய பாரதிராஜா நீலாங்கரையில் உள்ள தனது வீட்டில் ஓய்வில் இருந்துள்ளார்.
மீண்டும் திடீர் உடல்நலக்குறைவு ஏற்படவே கடந்த மாதம் 24-ம் தேதி சென்னை தி.நகரிலுள்ள தனியார் மருத்துவமனையில் இயக்குனர் பாரதிராஜா அனுமதிக்கப்பட்டார்.இதன் பின்னர் அஜீரணக்கோளாறு, நீர்ச்சத்து குறைவு மற்றும் நுரையீரல் சளி உள்ளிட்ட காரணங்களால் தீவிர சிகிச்சை அளிக்கப்பட்டுவதாக தகவல் வெளியானது.
அத்தோடு மேல் சிகிச்சைக்காக சென்னை அமைந்தகரையில் உள்ள மருத்துவமனைக்கு மாற்றப்பட்ட பாரதிராஜாவிற்கு அங்கும் தொடர்ந்து தீவிர சிகிச்சை கொடுக்கப்பட்டது. இதைடுத்து இசையமைப்பாளர் இளையராஜா, வைரமுத்து, ராதிகா உள்ளிட்டோர் நேரில் சந்தித்து நலம் விசாரித்து இருந்தனர்.மேலும் அவரது உடல் நிலையில் முன்னேற்றம் இருப்பதாகவும் பிரபலங்கள் ககுறிப்பிட்டனர். இயக்குநருக்காக ரசிகர்கள் பலரும் பிராத்தனை செய்து வந்தனர்.
எனினும் தற்போது பாரதிராஜாவின் உடல்நிலையில் நல்ல முன்னேற்றம் ஏற்பட்டுள்ளதாகவும். தீவிர சிகிச்சை பிரிவில் இருந்து பொது பிரிவிற்கு மாற்றப்பட்டுள்ளார் என்றும் அவர் ஓரிரு நாளில் வீடு திரும்ப உள்ளதாகவும் தகவல் வெளியாகி உள்ளது.
.png)
.png)
Listen News!