மாஸ்டர் படத்திற்கு பின்னர் விஜய் மற்றும் லோகேஷ் கனகராஜ் தளபதி 67 படத்தின் மூலம் மீண்டும் இணைந்துள்ளனர். மாஸ்டர் திரைப்படம் வெற்றிப்படம் என்பதாலும், லோகேஷ் கடைசியாக இயக்கிய விக்ரம் மாபெரும் வெற்றிபெற்றதாலும் இவர்கள் இணையும் தளபதி 67 படத்தின் மீது மிகப்பெரிய எதிர்பார்ப்பு ரசிகர்களிடத்தே நிலவி வருகின்றது.
அத்தோடு கமல் நடிப்பில் லோகேஷின் இயக்கத்தில் வெளியான விக்ரம் திரைப்படம் எப்படி லோகேஷின் ஸ்டைலில் இருந்ததோ அதே போல தளபதி 67 திரைப்படம் முழுக்க முழுக்க லோகேஷின் ஸ்டைலில் உருவாக இருப்பதாக தெரிகின்றது
தளபதி 67 திரைப்படத்தில் நாயகி இல்லை என்றாலும் முக்கியமான காதாபாத்திரத்தில் த்ரிஷா நடிப்பதாக தெரிகின்றது. இதையடுத்து இப்படத்தில் மொத்தம் ஆறு வில்லன்கள் இருப்பதாக தகவல் வந்தது. அத்தோடு நடிகர்கள் அர்ஜுன், கௌதம் மேனன், சஞ்சய் தத், பிருத்விராஜ் ஆகியோரை நடிக்க வைக்க பேச்சுவார்த்தை நடைபெற்றது. இதில் சஞ்சய் தத் இப்படத்தில் நடிக்க ஒப்புக்கொண்டுள்ளார். அவருக்கு மிகப்பெரிய தொகையை சம்பளமாக பேசியுள்ளனர் படக்குழுவினர்.
லோகேஷ் மற்றும் விஜய் இணையும் தளபதி 67 திரைப்படத்தில் கமல் கெஸ்ட் ரோலில் நடிப்பதாக பேசப்பட்டு வருகின்றது.அத்தோடு விக்ரம் படத்தில் எப்படி சூர்யா ரோலக்ஸ் என்ற ரோலில் நடித்து அசத்தினாரோ அதே போல தளபதி 67 திரைப்படத்தில் கமல் கெஸ்ட் ரோலில் நடிப்பதாக தகவல் வருகின்றன. ஆனால் இந்த தகவல் தற்போது வரை உறுதிசெய்யப்படாமல் உள்ளது. அவ்வாறு விஜய்யுடன் இணைந்து கமல் நடிக்கும் பட்சத்தில் அது ரசிகர்களுக்கு மிகப்பெரிய விருந்தாக அமையும் என்பதில் எந்த சந்தேகமும் இல்லை என்பது குறிப்பிடத்தக்கது
இவ்வாறுஇருக்கையில் தற்போது வந்த தகவலின் படி தளபதி 67 திரைப்படத்தின் கதை LCU வில் இணையவில்லை எனவும், இது ஒரு தனி கதை எனவும் தகவல் வந்துள்ளது. விக்ரம் படத்தின் கதை எப்படி கைதி படத்தின் கதையுடன் தொடர்புடையதாக இருந்ததோ, அதே போல தளபதி 67 திரைப்படமும் LCU வில் தொடர்புடையதாக இருக்கும் என ரசிகர்கள் கருதி வந்தனர். அவ்வாறு இருந்தால் நன்றாக இருக்கும் என்பதே ரசிகர்களின் கருத்தாக இருந்தது. ஆனால் தற்போது வந்த தகவல் என்னவென்றால், தளபதி 67 திரைப்படம் ஒரு தனி கதையாக உருவாகின்றதாம். எனவே இதைக்கேள்வி பட்ட ரசிகர்கள் சற்று ஏமாற்றத்தில் இருப்பது குறிப்பிடத்தக்கது
Listen News!