வாரிசு ஷூட்டிங்கை வெகுவாக முடித்ததற்கு இது தான் காரணமா?- அறிக்கை வெளியிட்ட தயாரிப்பாளர் சங்கம்

தமிழ் சினிமாவில் தவிர்க்க முடியாத மாஸ் நடிகராக வலம் வருபவர் தான் விஜய். இவர் நடிப்பில் இறுதியாக வெளியாகிய பீஸ்ட் திரைப்படம் கலவையான விமர்சனங்களைப் பெற்றாலும் அதனைக் கருத்தில் கொள்ளாது வாரிசு படத்தில் மும்முரமாக நடித்து வருகின்றார்.

இப்படத்தில் கதாநாயகியாக ராஷ்மிகா மந்தனா நடித்து வருகின்றார். சரத்குமார் குஷ்பு ஷாம் பிரகாஷ் ராஜ் ஆகியோரும் முக்கிய கதாப்பாத்திரத்தில் நடித்துள்ளனர்.

இப்படத்தின் ஷூட்டிங் ஹைதராபாத்தில் நடைபெற்று வந்த நிலையில் தற்போது அது முடிக்கப்பட்டு இருக்கிறது. அடுத்து சென்னையில் படப்பிடிப்பு நடத்த இருப்பதாக கூறப்படுகின்றது.தெலுங்கு சினிமா துறையினர் வேலைநிறுத்தம் அறிவித்து இருப்பது தான் அதற்கு காரணம்.

கொரோனா காலகட்டத்திற்கு பிறகு பல தெலுங்கு படங்கள் ஹிந்தியிலும் ஹிட் ஆகி பான் இந்தியா ஹிட் ஆகி இருக்கின்றன. அதே நேரத்தில் படங்களின் தயாரிப்பு செலவுகளும் அதிகரிக்க தொடங்கி இருக்கிறது.

அதற்காக பேச்சுவார்த்தை நடத்தி அனைத்தையும் சரிசெய்ய பேச்சுவார்த்தை நடந்து முடிவுகள் எடுத்தபிறகு தான் படப்பிடிப்பு மீண்டும் தொடங்கும், அதுவரை அனைத்து பணிகளும் நிறுத்தப்படுவதாக தயாரிப்பாளர் சங்கம் அறிவித்து இருக்கின்றனர்.

வாரிசு படத்தை தில் ராஜு தயாரித்து வருகிறார். விஜய் வாரிசு படத்திக்காக சுமார் 100 கோடிக்கும் அதிகமாக சம்பளம் வாங்குகிறார். மேலும் தனுஷ் நடிக்கும் வாத்தி, ஷங்கர் இயக்கும் RC15 என பல தமிழ் நட்சத்திரங்கள் தெலுங்கில் பணியாற்றி வருகின்றனர்.

இவர்கள் வாங்கும் சம்பளம் அதிகமாக இருப்பதால், மற்ற தெலுங்கு நடிகர்களும் சம்பளத்தை அதிகமாக கேட்கிறார்களாம். இதனால் தான் தெலுங்கு சினிமா வட்டாரத்தில் பிரச்சனை எழுந்திருக்கிறது என்பதும் குறிப்பிடத்தக்கது.

பிற செய்திகள்