சிவகார்த்திகேயன் நண்பருடன் கூட்டணி அமைக்கும் ஜெய்- மாஸ்டர் மகேந்திரனும் இவர்களுடன் இணைகின்றாரா?

தமிழ் சினிமாவில் வளர்ந்து வரும் நடிகராக இருப்பவர் ஜெய். இவர் விஜய் நடிப்பில் வெளியான பகவதி திரைப்படத்தில் தம்பி கதாப்பாத்திரத்தில் நடித்திருந்தார். அதனைத் தொடர்ந்து கதாநாயகனாக வெங்கட் பிரபு இயக்கத்தில் வெளியான சென்னை 600028 படத்தில் நடித்திருந்தார்.

இதனைத் தொடர்ந்து பல திரைப்படங்களில் நடித்து வந்த இவரது நடிப்பில் இறுதியாக காஃபி வித் காதல்'திரைப்படம் வெளியாகியிருந்தது. சுந்தர்.சி இயக்கத்தில் உருவான இப்படத்தில் ஜுவா மற்றும் ஸ்ரீகாந்த் ஆகியோரும் நடித்திருந்தனர்.கடந்த மாதம் வெளியான இப்படம் கலவையான விமர்சனத்தையே பெற்றது.

இதனைத் தொடர்ந்த தற்போது பல படங்களில் கவனம் செலுத்தி வருகிறார். இந்நிலையில் வெப் சீரிஸ் ஒன்றில் ஜெய் நடித்து வருவதாக தகவல் வெளியாகியுள்ளது. இந்த சீரிஸை பிரபல ஓடிடி நிறுவனம் தயாரிப்பதாகவும் சாம் சி.எஸ் இசையமைப்பதாகவும் கூறப்படுகிறது.

இப்படத்தை கடைசியாக உதயநிதியின் 'நெஞ்சுக்கு நீதி' படத்தை இயக்கிய அருண்ராஜா காமராஜ் இயக்க மாஸ்டர் மகேந்திரன் நடிப்பதாக திரை வட்டாரங்கள் தெரிவிக்கின்றனர். இந்த தகவல் உண்மையாகும் பட்சத்தில் இரண்டாவது முறையாக வெப் சீரிஸில் ஜெய் நடிக்கிறார். முன்னதாக 2020ஆம் ஆண்டு வெளியான 'ட்ரிபில்ஸ்' (Triples) வெப் சீரிஸில் நடித்திருந்தார் என்பது குறிப்பிடத்தக்கது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை