'கமல் சேரின் நடிப்பு பிரமிக்க வைத்துவிட்டது'-விக்ரம் படத்தைப் பார்த்து கண்கலங்கிய அனிரூத்

இளம் இயக்குநர் லோகேஷ் கனகராஜ் இயக்கத்தில் உலகநாயகன் கமல் நடிப்பில் உருவாகியுள்ள திரைப்படம் தான் விக்ரம். ஜுன் 3ம் திகதி வெளியாகவுள்ள இப்படத்திற்காக கோலிவுட் திரையுலகமே எதிர்பார்த்துக் காத்திருக்கின்றது.

இப்படத்தில் முக்கிய கதாப்பாத்திரத்தில் விஜய் சேதுபதி, பகத் பாசில் ஆகியோர் நடித்திருக்கின்றனர். இவர்களுடன் ஹெஸ்ட் ரோலில் சூர்யாவும் நடித்திருக்கின்றார். அத்தோடு இப்படத்தில் சூர்யாவும் இணைந்ததாக லோகேஷ் அறிவித்திருந்த நிலையில் அவரின் வெறித்தனமான லுக் போஸ்ட்டரையும் வெளியிட்டு இருந்தனர்.

இந்நிலையில் நேற்று இப்படத்தின் ப்ரோமோஷன் ஹைதராபாத்தில் நடைபெற்றது, அதில் கமலுடன் லோகேஷ், அனிரூத் கலந்து கொண்டிருந்தனர். அப்போது பேசிய அனிரூத் "விக்ரம் எங்களுக்கு மிகவும் ஸ்பெஷலான திரைப்படம், இன்று அப்படத்தின் இறுதி பணியை முடித்திருக்கிறோம்.

நான் பொதுவாக எமோஷனல் நபர் கிடையாது. ஆனால் விக்ரம் மற்றும் அப்படத்தில் பணியாற்றியதை நான் மிஸ் செய்ய போகிறேன். இன்று நாங்கள் படத்தை பார்க்கும் போது நான் லோகேஷிடம் சென்று கண்கலங்கிவிட்டேன். படத்தில் கமல் சாரின் நடிப்பு பிரமிக்க வைத்துவிட்டது. விக்ரம் படத்தில் பணியாற்றியது ரொம்பவும் பெருமையாக உள்ளது என்பதும் குறிப்பிடத்தக்கது.

பிற செய்திகள்:

சமூக ஊடகங்களில்: