தேசத்தை திரும்பி பார்க்க வைத்த தமிழ் திரையுலகம்- சூர்யாவுக்கு வாழ்த்துக்களைத் தெரிவித்த கமல்ஹாசன்

68வது தேசிய விருதுகள் நேற்று மாலை அறிவிக்கப்பட்டுள்ளன. மிகுந்த எதிர்பார்ப்பிற்கிடையில் அறிவிக்கப்பட்டுள்ள இந்த விருதுகளில் 10 விருதுகளை இந்த ஆண்டு தமிழ்ப்படங்கள் தட்டித் தூக்கியுள்ளன. குறிப்பாக சூரரைப் போற்று திரைப்படம் 5 விருதுகளைப் பெற்றுள்ளது.

சுதா கொங்கரா இயக்கத்தில் அவரது நடிப்பு மற்றும் தயாரிப்பில் வெளியாகி ரசிகர்களை வெகுவாக கவர்ந்த படம் தான் சூரரைப் போற்று.கேப்டன் கோபிநாத்தின் பயோ பிக்காக வெளியான இந்தப் படம் சிறப்பான திரைக்கதையுடன், சூர்யாவின் நடிப்பும் சேர்ந்து மிளிர்ந்தது.

ஓடிடியில் வெளியான போதிலும், இந்தப் படம் மிகுந்த வரவேற்பை பெற்றது.கேப்டன் கோபிநாத்தின் வாழ்க்கையின் ஒரு பகுதியை மட்டுமே கதைக்கருவாக கொண்டு இப்படம் எடுக்கப்பட்டது.இதையடுத்து படக்குழுவினர் மிகுந்த உற்சாகம் அடைந்துள்ளனர்.

இந்நிலையில் கமல்ஹாசனும் தனது வாழ்த்துக்களை டுவிட்டர் பக்கத்தில் ஒட்டு மொத்தமாக 10 விருதுகளை அள்ளி தேசத்தை தமிழ் திரையுலகம் திரும்பிப் பார்க்க செய்துள்ளதாக அவர் பாராட்டு தெரிவித்துள்ளார்.
குறிப்பாக சூரரைப் போற்று திரைப்படம் 5 தேசிய விருதுகளை குவித்துள்ளதை அவர் தனியாக குறிப்பிட்டு பாராட்டியுள்ளார். இது பெருமையளிப்பதாகவும் தெரிவித்துள்ளார்.

இது தவிர சிவரஞ்சனியும் இன்னும் சில பெண்களும், மண்டேலா படங்களுக்கும் பாராட்டு தெரிவித்துள்ளார். விருதாளர்கள் அனைவருக்கும் மனமார்ந்த வாழ்த்துக்களையும் கூறியுள்ளார் என்பதும் குறிப்பிடத்தக்கது.

பிற செய்திகள்