“நானும் வேறொரு காதல்..என் கணவரும் வேறொரு காதல்” ...கஜோல் பகிர்ந்த விஷயம்..!

பாலிவுட்டின் முன்னணி நடிகைகளில் ஒருவராக இருந்தவர் கஜோல்.இவர் பாலிவுட் சூப்பர் ஸ்டார் ஷாருக்கானுக்கு ராசியான ஹீரோயின்களில் கஜோலும் ஒருவர். அத்தோடு கடந்த 1994ம் ஆண்டு ரிலீஸான Gundaraj படத்தில் நடித்தபோது அதன் ஹீரோ அஜய் தேவ்கனை காதலிக்கத் துவங்கினார். 1999ம் ஆண்டு பிப்ரவரி மாதம் அஜய் தேவ்கனின் வீட்டில் வைத்து அவர்களின் திருமணம் நடைபெற்றது. கஜோல், அஜய் தேவ்கனுக்கு நியாசா என்கிற மகளும், யுக் என்கிற மகனும் இருக்கிறார்கள்.

கஜோலுக்கும், அஜய் தேவ்கனுக்கும் திருமணமாகி 24 ஆண்டுகள் ஆகிவிட்டது. அஜய் தேவ்கனும், கஜோலும் வெவ்வோறு குணமுடையவர்கள். அத்தோடு இந்த திருமணம் நிலைக்காது என்று பேசியவர்கள் கண் முன்பே 24 ஆண்டுகளாக சந்தோஷமாக இருந்து வருகிறார்கள். இந்நிலையில் அஜய் தேவ்கனை சந்தித்து காதலித்தது பற்றி பேட்டி ஒன்றில் தெரிவித்துள்ளார் கஜோல்.

கஜோல் கூறியதாவது, நான் முதன்முதலாக அஜய் தேவ்கனை சந்தித்தபோது அவர் வேறு ஒரு பெண்ணை காதலித்து வந்தார். அந்த சமயத்தில் நானும் ஒருவரை டேட் செய்து கொண்டிருந்தேன். படத்தில் சேர்ந்து நடித்தபோது எங்களுக்கு இடையே நட்பு ஏற்பட்டது. பேசத் துவங்கினோம் இதையடுத்து நட்பை தாண்டிய உறவு ஏற்பட்டது. காதல் என்பதை புரிந்து கொண்டோம் என்றார்.

திருமண வாழ்வின் வெற்றியின் ரகசியம் குறித்தும் பேசியிருக்கிறார் கஜோல். அவர் கூறியதாவது, அது ரொம்ப ஈஸி இல்லை. ஒவ்வொரு நாளும் கடினமாக உழைக்க வேண்டியிருக்கிறது. அப்படி செய்வதால் தான் திருமண வாழ்க்கை வெற்றிகரமாக இருக்கிறது. நம் துணையிடம் ஏற்படும் புது மாற்றங்களை ஏற்க கற்றுக்கொள்ள வேண்டும். நானும், அஜய்யும் சந்தித்தபோது இருந்தது போன்றே தற்போதும் இல்லை என்றார்.

திருமணமானாலும் நான் தொடர்ந்து படங்களில் நடிப்பேன் என்பதை அஜய் தேவ்கன் மற்றும் அவரின் பெற்றோரிடம் கறாராக தெரிவித்துவிட்டார் கஜோல்.அmத்தோடு அவர்களும் சரி என்று சொல்லிவிட்டார்கள். திருமணத்திற்கு பின்னர் நீ இந்த படங்களில் தான் நடிக்க வேண்டும், இந்த ஹீரோக்களுடன் மட்டுமே நடிக்க வேண்டும் என்று அஜய் தேவ்கன் கூறியதே இல்லை. அதே போன்று கஜோலும் அஜய் தேவ்கனை கட்டுப்படுத்துவது இல்லை.

கஜோலின் மகள் நியாசா வெளிநாட்டில் படித்துவிட்டு நாடு திரும்பியிருக்கிறார். அத்தோடு அம்மாவை போன்றே அழகாக இருக்கிறார். கஜோல் வழியில் நியாசாவும் நடிக்க வருவாரா என்று ரசிகர்கள் தொடர்ந்து கேள்வி எழுப்பி வருகிரார்கள். ஷாருக்கானின் மகன் ஆர்யனும், நியாசாவும் சேர்ந்து நடிக்க வேண்டும் என்பது ரசிகர்களின் விருப்பம்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை