கர்ப்பமாக இருக்கும் நக்ஷத்ரா....வயிற்றை கட்டிப்பிடித்து முத்தமிடும் 'கயல்' சீரியல் நடிகை சைத்ரா! வைரலாகும் கியூட் போட்டோ

பிரபல சீரியல் நடிகை நக்ஷத்ரா சமீபத்தில் தான் கர்ப்பமாக இருக்கும் தகவலை வெளியிட்டு, ரசிகர்களுக்கு இன்ப அதிர்ச்சி கொடுத்திருந்தார்.

நடிகை நக்ஷத்திரா தமிழில் 'கிடாரி பூசாரி மகுடி' என்கிற படத்தின் மூலம் கதாநாயகியாக அறிமுகமாகி இருந்தாலும்,இவருக்கு ரசிகர்கள் மத்தியில் நல்ல வரவேற்பை பெற்று தந்தது ஜீ தமிழ் தொலைக்காட்சியில் ஒளிபரப்பான, 'யாரடி நீ மோகினி' சீரியல் தான்.

இந்த சீரியலில் சைத்ரா ரெட்டி நெகட்டிவ் ரோலில் நடித்திருந்தாலும், உண்மையில் இவர்கள் இருவரும் நெருங்கிய தோழிகள். அதே போல் ஷபானா, ரேஷ்மா போன்ற ஜீ தமிழ் தொலைக்காட்சி ஹீரோயின்கள் மற்றவர்களே பொறாமை கொள்ளும் அளவிற்கு நெருங்கிய தோழிகளாக இருந்தனர்.

தற்போது ஷபானவைதவிர அனைவருமே திருமணம் ஆன பின்னரும் தொடர்ந்து, சீரியலில் கவனம் செலுத்தி வருகிறார்கள். மேலும் கடந்த ஆண்டு தன்னுடைய காதலரை மிகவும் எளிமையான முறையில் திருமணம் செய்து கொண்ட நக்ஷத்ரா தற்போது கர்ப்பமாக உள்ளார்.

கடந்த சில தினங்களுக்கு முன்னர், இதுகுறித்த புகைப்படம் ஒன்றை வெளியிட்டு... தன்னுடைய ரசிகர்களுக்கு இந்த தகவலை அறிவித்த நிலையில், பலர் தங்களின் வாழ்த்துக்களை தெரிவித்து வருகின்றனர்.