மழை பிடிக்காத மனிதன் படத்துக்காக- டப்பிங் ஆர்டிஸ்டாக மாறிய நகுல்

தமிழ் சினிமாவில் இசையமைப்பாளராக அறிமுகமாகி இன்று நடிகராக வலம் வருபவர் நடிகர் விஜய் ஆண்டனி. இசையில் மட்டுமன்றி நடிப்பிலும் தன்னுடைய கை வரிசையை காட்டி வருகின்றார் நடிகர் விஜய் ஆண்டனி. இந்நிலையில் சமீபத்தில் நடிகர் விஜய் ஆண்டனி மழை பிடிக்காத மனிதன் என்ற படத்தில் நடித்து வருகின்றார்.இத்திரைப்படத்தை விஜய் மில்டன் இயக்குகிறார்.

இவருக்கு ஜோடியாக மேகா ஆகாஷ் நடித்துள்ளார் மேலும் சரத்குமார், சரண்யா, பொன்வண்ணன், தலைவாசல் விஜய் ஆகியோர் நடித்துள்ளனர். மேலும் மூத்த நடிகர் விஜயகாந்த் சிறப்பு தோற்றத்தில் நடிப்பதாக கூறப்படுகிறது ஆனால் இதுவரை அதிகாரப்பூர்வ தகவல் ஏதும் வெளியாகவில்லை

இந்தப் படத்தின் படப்பிடிப்பு கிட்டத்தட்ட முடிந்துவிட்ட நிலையில் போஸ்ட் புரொடக்ஷன் பணிகள் சில மாதங்களுக்கு முன்னர் தொடங்கியது.
இந்தியாவில் இதுவரை யாரும் செல்லாத இடங்களான வட இந்தியாவில் டையூ டாமன் ஆகிய பகுதிகளில் சென்று படப்பிடிப்பை நடத்தி வந்த நிலையில் இப்போது முழுவதுமாக படப்பிடிப்பை முடித்துள்ளனர்.படத்திற்கான இறுதிக்கட்ட பணிகள் நடைபெற்று வருகின்றன.

குறிப்பாக டப்பிங் பணிகளை படக்குழு தொடங்கியுள்ளது. அதில் கன்னட நடிகர் பிரதீவ் அம்பருக்கு, தமிழ் சினிமாவின் இளம் நடிகர்களில் ஒருவரான நகுல் டப்பிங் பேசியுள்ளார். பாய்ஸ் திரைப்படம் மூலமாக தமிழில் நடிகராக அறிமுகமான இவர் காதலில் விழுந்தேன், மாசிலாமணி ஆகிய திரைப்படங்களில் ஹீரோவாக கலக்கி உள்ளார் என்பது குறிப்பிடத்தக்கது. தற்போது தொலைக்காட்சிகளில் ரியாலிட்டி ஷோக்களில் நடுவராக பங்கேற்று வருகிறார்.

பிற செய்திகள்