இனிமேல் பெரிய நடிகரும் வேண்டாம், பெரிய பட்ஜெட்டும் வேண்டாம்.. ராஜூ முருகனின் அடுத்த ஹீரோ இவர்தான்..!

இயக்குனர் ராஜு முருகன் இயக்கத்தில் கார்த்தி நடித்த ’ஜப்பான்’ திரைப்படம் மிகப்பெரிய அளவில் எதிர்பார்க்கப்பட்ட நிலையில் அந்த படம் படுதோல்வி அடைந்தது ராஜூ முருகனை ரொம்பவே யோசிக்க வைத்து விட்டதாகவும் இனிமேல் பெரிய பட்ஜெட்டும் வேண்டாம் பெரிய நடிகரும் வேண்டாம் என்று தனது அடுத்த படத்திற்கு சசிகுமாரை நாயகனாக தேர்வு செய்திருப்பதாகவும் தகவல் வெளியாகி உள்ளது.

எழுத்தாளர் மற்றும் பத்திரிகையாளரான ராஜூ முருகன் ‘குக்கூ’ என்ற படத்தின் மூலம் தமிழ் திரையுலகில் அறிமுகமாகி அதன் பிறகு ’ஜோக்கர்’ ’ஜிப்சி’ ஆகிய படங்களை இயக்கினார். கடந்தாண்டு அவர் கார்த்தி நடிப்பில் உருவான ’ஜப்பான்’ படத்தை இயக்கிய நிலையில் அந்த படம் மிகப்பெரிய எதிர்பார்ப்பை ஏற்படுத்தியது.

ஆனால் படம் ரிலீஸ் ஆனவுடன் வசூல் அளவில் மிகப்பெரிய தோல்வி அடைந்ததோடு விமர்சன ரீதியிலும் படுமோசமாக விமர்சனம் செய்யப்பட்டது. இதனால் ரொம்பவே அப்செட்டில் இருந்த ராஜூ முருகன் இனிமேல் பெரிய நடிகரும் வேண்டாம், பெரிய பட்ஜெட்டும் வேண்டாம் என்று முடிவு செய்து சூப்பர் கதை ஒன்றை தயார் செய்திருக்கிறாராம்.

இந்த கதையை சமீபத்தில் சசிக்குமாரிடம் ராஜூ முருகன் கூறிய போது அவருக்கு அந்த கதை பிடித்து விட்டதை அடுத்து அந்த படத்தில் நடிக்க ஒப்புக் கொண்டதாக தெரிகிறது. இதனை அடுத்து ராஜு முருகன் இயக்கத்தில் சசிகுமார் நடிப்பில் உருவாகும் படத்தின் அறிவிப்பு விரைவில் வெளியாகும் என்று கூறப்படுகிறது.

சசிகுமார் ஏற்கனவே இரண்டு படங்களில் ஒப்புக் கொண்டிருந்த நிலையில் அந்த படங்களை ஒத்தி வைத்துவிட்டு ராஜூ முருகன் படத்தில் முதலில் நடிக்க உள்ளதாக கூறப்படுகிறது.