ஜெயிலர் படத்தில் நடிப்பதை உறுதிப்படுத்திய ரம்யா கிருஷ்ணன்- அட இது வெற்றிக் கூட்டணி ஆச்சே

சிறுத்தை சிவா இயக்கத்தில் வெளியான திரைப்படம் தான் அண்ணாத்த. ரஜினிகாந்த் கதாநாயகனாகவும் மீனா, குஷ்பு, நயன்தாரா ,கீர்த்தி சுரேஷ், பாண்டியன் ,பிரகாஷ்ராஜ் என ஒரு பெரிய நட்சத்திரப் பட்டாளமே இப்படத்தில் நடித்திருந்தது. இருப்பினும் படம் கலவையான விமர்சனங்களையே பெற்றது.

இதனைத் தொடர்ந்து தனது 169 படத்தில் நடித்து வருகின்றார். ஜெயிலர் என்று பெயர் வைக்கப்பட்டிருக்கும் இப்படத்தை இயக்குநர் நெல்சன் திலீப் குமார் இயக்கி வருகின்றார். பெரிய எதிர்பார்ப்பை ஏற்படுத்தியுள்ள இப்படத்தின் ஷூட்டிங் இம்மாதம் தொடங்கும் என எதிர்பார்க்கப்படுகிறது.

மேலும் சமீபத்தில் ரஜினிகாந்த் இப்படத்தின் ஷுட்டிங்கிற்காக டெல்லிக்குச் சென்ற வீடியோக்கள் மற்றும் புகைப்படங்கள் என்பன வெளியாகியிருந்தது. இந்நிலையில் தற்போது முக்கிய நடிகை இப்படத்தில் ரஜினியுடன் நடிப்பதை உறுதி செய்திருக்கிறார்.

அதாவது ரம்யா கிருஷ்ணன் விரைவில் தான் ரஜினியுடன் ஜெயிலர் திரைப்படத்தில் நடிப்பதாகவும் அதற்காக தான் ஆர்வமாக இருப்பதாக கூறியுள்ளார்.ஏற்கனவே ரஜினிக்கு வில்லியாக நடிகை ரம்யா கிருஷ்ணன் நடித்த படையப்பா திரைப்படம் வரலாறு காணாத வெற்றியை கண்டது குறிப்பிடத்தக்கது.