உங்க வண்டவாளம் பற்றி நான் சொல்லவா?- கவுண்டமணி பற்றி கூறிய நடிகையை வெளுத்து வாங்கிய பயில்வான் ரங்கநாதன்

லெஜண்டரி காமெடி நடிகர் கவுண்டமணியால் தனது வாழ்க்கையே கெட்டுப் போனது என நடிகை ஷர்மிலி பேசிய பேட்டி அண்மையில் வெளியாகி பெரும் பரரப்பை ஏற்படுத்தியது.இந்த நிலையில் ஷர்மிலி பற்றிய பல அந்தரங்க விஷயங்களையும் வெளிப்படையாக போட்டு உடைத்து டேமேஜ் செய்துள்ளார் பயில்வான் ரங்கநாதன்.

அதில் அவர் கூறியதாவது குரூப் டான்ஸராக ஆடிக் கொண்டிருந்த ஷர்மிலியை காமெடி காட்சிகளில் நடிக்க வைத்து சினிமா நடிகையாக மாற்றி வாழ்க்கை கொடுத்ததே கவுண்டமணி தான். ஷர்மிலிக்கு தனியாக ஒரு ஃபிளாட்டையே கவுண்டமணி வாங்கிக் கொடுத்தார். அந்த நன்றியெல்லாம் கொஞ்சம் கூட இல்லாமல் இப்படி பேசலாமா என விளாசி உள்ளார்.

வெறும் 1500 ரூபாய் சம்பளம் வாங்கிக் கொண்டிருந்த ஷர்மிலிக்கு ஒரு படத்தில் நடிக்க 50 ஆயிரம் ரூபாய் சம்பளத்தை அந்த காலத்திலேயே வாங்கிக் கொடுத்தவர் கவுண்டமணி தான். ஷர்மிலியை ஒரு நடிகையாக உலகிற்கு காட்டி பல படங்களில் ஷர்மிலியை சேர்த்துக்கோங்க என சிபாரிசு செய்தவரும் கவுண்டமணி தான். அப்படிப்பட்டவர் என் வாழ்க்கையவே கெடுத்துட்டாரு என சொல்ல வாய் கூசவில்லையா என பயில்வான் ஒரே போடாக போட்டுள்ளார்.

ஆவாரம்பூ படத்தில் ஷர்மிலியை மேல இருந்து தூக்கி இறக்குனேன்னு கவுண்டமணிக்கு என் மேல கோபம். அதன் காரணமாக எனக்கு பல படங்களில் நடிக்க வாய்ப்புக் கொடுக்க கூடாதுன்னு கவுண்டமணி சொன்னார். ஆனால், அப்படி இருந்தும் அவரால் தான் நான் சினிமாவில் நடிகராக மாறினேன். ஒரு போதும் அந்த நன்றியை நான் மறக்க மாட்டேன் என சொன்ன பயில்வான் ரங்கநாதன் ஷர்மிலி குறித்த சில ஷாக்கிங் விஷயங்களையும் பேசியுள்ளார்.

ஷர்மிலி வெளிநாட்டுக்கு சென்று அங்கே ஒருவரை காதலித்து மணந்து கொண்டு 2 ஆண்டுகளில் அவரை விட்டு விட்டு திரும்பி வந்து விட்டார் அந்த கதையெல்லாம் நான் சொல்லட்டா? எனக் கேட்டுள்ளார். ஒரு போதும் ஷர்மிலியின் வாழ்க்கையை கவுண்டமணி கெடுக்கவே இல்லை என்றும் 48 வயதில் குழந்தைக்கு தாயாக போறீங்க வாழ்த்துக்கள், ஆனால், கவுண்டமணி பற்றி அப்படி பேசியதற்கு வெளிப்படையாக சீக்கிரம் மன்னிப்பு கேளுங்கள், இல்லையென்றால் உங்களை பற்றி பல விஷயங்கள் வெளியே வரும் என பயில்வான் ரங்கநாதன் ஷர்மிலியை எச்சரித்து பேசியுள்ள வீடியோ பரபரப்பை ஏற்படுத்தி உள்ளது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை