யோகிபாபுவின் மண்டேலா திரைப்பட டீமை டின்னருக்கு அழைத்த சிவகார்த்திகேயன்- ஓ இது தான் காரணமா?

சின்னத்திரையில் இருந்து அறிமுகமாகி வெள்ளித்திரையில் தனக்கென்று ஓர் இடத்தைப் பிடித்து முன்னணி நடிகராக வளர்ந்து நிற்பவர் தான் நடிகர் சிவகார்த்திகேயன். இவரது நடிப்பில் தற்பொழுது பிரின்ஸ் மற்றும் அயலான் ஆகிய திரைப்படங்களில் நடித்து வருகின்றார்.

இதனைத் தொடர்ந்து மண்டேலா திரைப்படத்தை இயக்கிய மடோன் அஸ்வின் இயக்கத்தில் ஓர் புதிய படத்திலும் நடிக்கவுள்ளார்.இந்நிலையில் சமீபத்தில் மண்டேலா படத்திற்காக மடோன் அஸ்வினுக்கு தேசிய விருது அறிவிக்கப்பட்டது.

தேசிய விருதுகள் அறிவிக்கப்பட்ட உடன் மண்டேலா படக்குழுவினர் சிவகார்த்திகேயனுடன் வீடியோ காலில் பேசியதாக மடோன் அஸ்வின் தெரிவித்துள்ளார். அப்போது படக்குழுவினருக்கு பாராட்டு தெரிவித்த சிவகார்த்திகேயன், டின்னருக்கு வரும்படி படக்குழுவிற்கு அழைப்பு விடுத்தார்.

சமீபத்தில் நானும், எனது டீமும் சிவகார்த்திகேயனை சந்தித்தோம். அவர் எங்களுக்கு டின்னர் கொடுத்தார் என்றார். வீடியோ காலில் மட்டுமல்ல சிவகார்த்திகேயன் ட்விட்டரிலும் வாழ்த்தி இருந்தார். அதில், சமீப காலங்களில் வெளியானதில் எனக்கு மிகவும் பிடித்த படம் மண்டேலா. அந்த படத்திற்கு மிகப் பெரிய அங்கீகாரம் கிடைத்துள்ளது. இரண்டு தேசிய விருதுகளை வென்ற மடோன் அஸ்வினுக்கு என்னுடைய வாழ்த்துக்கள். உங்களுடன் இணைந்து பணியாற்றுவது மகிழ்ச்சியாக உள்ளது பிரதர்.

இன்னும் நிறைய உயரங்கள் காத்திருக்கிறது சகோ என குறிப்பிட்டிருந்தார். தேசிய விருது கிடைத்தது பற்றிய சமீபத்தில் மீடியாக்களிடம் பேசிய மடோன் அஸ்வின், எதிர்பாராத இந்த விருது மகிழ்ச்சி அளிக்கிறது. நல்ல கன்டென்ட் உடன் ஓடிடியில் வெளியான சிறிய பட்ஜெட் படத்திற்கு விருது கிடைத்துள்ளது. இது எனக்கும் எனது டீமுக்கும் கிடைத்த அங்கீகாரம்.

இதை கொண்டாடும் தருணம். சிவகார்த்திகேயனை வைத்து மடோன் அஸ்வின் இயக்கும் படத்திற்கு மாவீரன் என டைட்டில் வைக்கப்பட்டுள்ளது. சமீபத்தில் தான் இதற்கான அறிவிப்பு வெளியிடப்பட்டது. சமீபத்தில் இந்த படத்தின் டீசர் வெளியிடப்பட்ட நிலையில், விரைவில் இந்த படத்தின் ஷுட்டிங் ஆரம்பிக்கப்படவுள்ளது என்பதும் குறிப்பிடத்தக்கது.

பிற செய்திகள்