நடிகை சம்மதத்துடனே உடலுறவு… நடிகர் விஜய் பாபு வழக்கில் திடீர் திருப்பம்.!

மலையாளத்தில் ஹோம் ஆகிய படங்களைத் தயாரித்து நடித்ததற்காக பிரபலமானவர் விஜய் பாபு. மேலும் இவர் ஃபிரைடே பிலிம் ஹவுஸ் என்ற தயாரிப்பு நிறுவனம் மூலம் பிரபலமான படங்களை தயாரித்து மக்கள் மத்தியில் மிகப்பிரபலமானவர். இவர் மீது பலாத்கார வழக்கு பதிவு செய்யப்பட்டுள்ளது.

கோழிக்கோடு பகுதியை சேர்ந்த ஒருவர் அளித்த புகாரின் பேரில் இந்த நடவடிக்கை எடுக்கப்பட்டுள்ளது.மேலும் இதுகுறித்து எர்ணாகுளம் தெற்கு போலீஸார் வழக்குப் பதிவு செய்துள்ளனர். அத்தோடு அந்த புகாரில், சினிமாவில் வாய்ப்பு வாங்கி தருவதாக கூறி இளம் பெண் ஒருவரை எர்ணாகுளத்திலுள்ள தனது குடியிருப்பில் விஜய் பாபு பலமுறை பலாத்காரம் செய்துள்ளதாக கூறப்பட்டுள்ளது.

கடந்த மாதம் 22ஆம் தேதி விஜய் பாபு மீது போலீசில் புகார் அளிக்கப்பட்டுள்ளது. அத்தோடு விஜய் பாபு மீது பாலியல் பலாத்காரம் மற்றும் உடல் உபாதை விளைவித்தல் ஆகிய பிரிவுகளின் கீழ் வழக்கு பதிவு செய்யப்பட்டுள்ளமை குறிப்பிடத்தக்கது. இதற்கிடையே இந்த வழக்கில் தனக்கு முன்ஜாமீன் வழங்க கேட்டு நடிகர் விஜய் பாபு கேரள உயர்நீதிமன்றத்தில் மனு தாக்கல் செய்தார். மேலும் இந்த மனு மீது விசாரணைக்கு வந்த போது குற்றம் சாட்டப்பட்டவர் இந்தியாவில் இருக்கிறாரா என்று நீதிபதி கேள்வி எழுப்பினார்.

விசாரணை தொடங்கும் போது விஜய் பாபு துபாய் சென்றுவிட்டதாகவும், பாஸ்போர்ட் ரத்து செய்யப்பட்டு விட்டதால் இந்தியா திரும்ப முடிய வில்லையென்றும், வாய்ப்பு கிடைத்தால் விசாரணை அதிகாரி முன்னிலையிலோ அல்லது நீதிமன்றத்திலோ முன்னிலையாக தயார் என்றும் விஜய் பாபுவின் வழக்கறிஞர் தெரிவித்தார். இதையடுத்து, குற்றம் சாட்டப்பட்டவர் இந்தியாவுக்கு வரட்டும். பின்னர் முன்ஜாமீன் மனு மீது விசாரணை நடத்தலாம் என்று நீதிபதி கூறினார்.

இந்நிலையில் இந்த வழக்கில் விஜய் பாபு புதிய மனு தாக்கல் செய்துள்ளார். அதில், புகாரளித்த நடிகையுடன் தனக்கு நட்பு இருப்பதாகவும், அவரின் சம்மதத்துடன் உடலுறவு கொண்டதாகவும், வலுக்கட்டாயமாக பாலியல் பலாத்காரம் செய்யப்படவில்லை என்று குறிப்பிட்டுள்ளார்.இதனிடையே, ஏப்ரல் 14ம் தேதி மரைன் டிரைவிலுள்ள லிங்க் ஹொரைசன் பிளாட்டுக்கு நடிகை வந்தாகவும், உயர் நீதிமன்றத்தில் தாக்கல் செய்யப்பட்ட புதிய மனுவில் அவர் தெரிவித்துள்ளார். இந்த வழக்கு மீண்டும் இன்று விசாரணைக்கு எடுத்து கொள்ளப்பட்டது குறிப்பிடத்தக்கது.