செல்லமே படத்தின் மூலம் அறிமுகமான விஷால், அதன்பிறகு நடித்த சண்டக்கோழி, திமிரு, தாமிரபரணி, இரும்புத்திரை ஆகிய வெற்றிப் படங்களில் நடித்து தமிழ் சினிமாவில் முன்னணி நடிகரானார். தமிழைத் தாண்டி தெலுங்கிலும் விஷாலுக்கென்று தனிரசிகர் பட்டாளமே உள்ளது.
கடைசியாக இவர் நடிப்பில் வெளியான வீரமே வாகை சூடும் திரைப்படம் பரவலான கவனத்தைப் பெற்றது. இதையடுத்து அவர் தற்போது புதுமுக இயக்குநர் வினோத்குமார் இயக்கும் லத்தி படத்தில் நடித்து வருகிறார்.
லத்தி படத்தை விஷாலின் நெருங்கிய நண்பர்களான நந்தா மற்றும் ரமணா ஆகிய இருவரும் இணைந்து ‘RANA’ புரொடக்ஷன்ஸ் நிறுவனம் மற்றும் விஷாலின் விஷால் பிலிம் பேக்டரி நிறுவனம் ஆகிய இரண்டு நிறுவனங்களும் இணைந்து தயாரிக்கின்றன. மேலும் பாலசுப்ரமணியம் இந்த படத்தின் ஒளிப்பதிவாளராக பணியாற்றுகிறார். இந்த படம் அறிவிக்கப்பட்டு அதன் ஃபர்ஸ்ட் லுக் போஸ்டர் வெளியாகி பரவலாக கவனத்தைப் பெற்றது.
மேலும் லத்தி திரைப்படம் படம் தற்போது ஐந்து மொழிகளில் உருவாவதாக அறிவிக்கப்பட்டுள்ளது. தமிழ், கன்னடம், மலையாளம், இந்தி மற்றும் தெலுங்கு ஆகிய ஐந்து மொழிகளில் போஸ்டர் வெளியானது. இந்த படத்தில் விஷால் போலீஸ் கான்ஸ்டபிளாக நடிப்பதாக சொல்லப்படுகிறது. ஏற்கனவே விஷால் சத்யம், பாயும் புலி, வெடி மற்றும் அயோக்யா ஆகிய படங்களில் போலீஸ் வேடத்தில் நடித்து ரசிகர்களிடத்தே பெரும் வெற்றியை பெற்றார். ஆனால் அந்த படங்களைப் போல உயர் காவல் துறை அதிகாரியாக இல்லாமல் முதல் முதலாக கான்ஸ்டபிள் வேடத்தில் விஷால் நடிப்பதாக தகவல்கள் வெளியாகின.
இந்நிலையில் தற்போது இந்த படத்தின் முக்கிய அறிவிப்பு ஒன்று தற்போது வெளியாகியுள்ளது. மாஸான ஆக்ஷன் காட்சியின் வெளியாகி இருக்கும் போஸ்டரில் லத்தி படத்தின் டப்பிங் பணிகள் தொடங்கி விட்டதாக தெரிவிக்கப்பட்டுள்ளது. இதனால் லத்தி திரைப்படம் விரைவில் ரிலீஸ் ஆக வாய்ப்புள்ளதாக தெரிகிறது.
அத்தோடு இந்த படத்துக்கு பிறகு விஷால் எஸ் ஜே சூர்யாவுடன் இணைந்து நடிக்கும், ஆதிக் ரவிச்சந்திரன் இயக்கும் ‘மார்க் ஆண்டனி’ படத்தில் நடிக்க உள்ளார். இந்த படத்தின் பூஜை சமீபத்தில் நடந்தது குறிப்பிடத்தக்கது.
பிறசெய்திகள்:
- நடிகர் அக்சய் குமாருக்கு ஏற்பட்ட தொற்று நோய்- விடுக்கப்பட்ட வேண்டுகோள்..!
- பிரபல நடிகரின் முன்னிலையில் விஜய் டிவியை கலாய்த்த சிவாங்கி!
- கேன்ஸ் திரைப்பட விழாவில் “இரவின் நிழல்” – பார்த்திபன் பதிவிட்டுள்ள ட்வீட்!
- கமலின் விக்ரம் படத்திற்காக தொகுப்பாளினி DD செய்யவுள்ள விஷயம்-குவியும் வாழ்த்துக்கள்..!
சமூக ஊடகங்களில்:
- Facebook : சினிசமூகம் முகநூல்
- Twitter: சினிசமூகம் ட்விட்டர்
- Instagram : சினிசமூகம் இன்ஸ்டாகிராம்
- YouTube : சினிசமூகம் யு டியூப்
Listen News!