நடிகர் சூர்யா தயாரித்து நடித்த 'சூரரைப் போற்று' திரைப்படம் மொத்தம் 5 தேசிய விருதுகளை பெற்றுள்ள நிலையில், இன்று தேசிய விருது பெற்றவர்களுக்கான விருதுகள் வழங்கப்படுகிறது. அதற்காக சூர்யா மற்றும் சூரரைப் போற்று படக்குழுவினர் கலாச்சார உடையில் வந்த புகைப்படங்கள் இணையத்தளத்தில் வெளியாகி உள்ளது.
மேலும் நடிகர் சூர்யா நடிப்பில் கடந்த 2020-ம் ஆண்டு வெளியான திரைப்படம் ' சூரரைப் போற்று'. ஏர் டெக்கான் நிறுவனர் ஜி.ஆர்.கோபிநாத்தின் வாழ்க்கையில் நடந்த சில சுவாரஸ்ய சம்பவங்களை அடிப்படையாக வைத்து எடுக்கப்பட்ட இந்த படத்திற்கு ரசிகர்கள் மத்தியில் மிகப்பெரிய வரவேற்பு கிடைத்தது.
இந்த திரைப்படம் ஓடிடி தளத்தில் வெளியாகாமல் ஒருவேளை திரையரங்கில் வெளியாகி இருந்தால், வேற லெவல் ரெஸ்பான்ஸ் ரசிகர்கள் மத்தியில் கிடைத்திருக்கும் என கூறப்பட்டது.
ஆனால் கொரோனா தொற்று நேரம் என்பதாலும், அப்போது நிலவி வந்த சூழலில் ரசிகர்கள் திரையரங்கம் வந்து படம் பார்ப்பது சரியாக இருக்காது என்பதாலும், சூர்யா இந்த படத்தை ஓடிடி தளத்தில் வெளியிட்டதாக கூறப்பட்டது.
மேலும் இந்த படத்தில், தன்னுடைய அசுர நடிப்பால் ரசிகர்களை மிரள வைத்த சூர்யாவுக்கு கண்டிப்பாக தேசிய விருதுகள் கிடைக்கும் என கூறப்பட்ட நிலையில், கடந்த ஜூலை மாதம் 68-வது தேசிய விருது அறிவிக்கப்படாதபோது, சூரரை போற்று திரைப்படம் 5 தேசிய விருதுகளை பெற்றது.
.png)
.png)
Listen News!