விருமன் படத்தின் பிரஸ் மீட் இன்று திங்கட்கிழமை சென்னையில் நடைபெற்றது, இதில் கார்த்தி, அதிதி ஷங்கர், இயக்குநர் முத்தையா உள்பட படக்குழுவினர் பலரும் கலந்துகொண்டனர்.
சூர்யா தயாரிப்பில் நடிகர் கார்த்தி நடித்த முதல் படம் கடைக்குட்டி சிங்கம். பாண்டிராஜ் இயக்கத்தில் கடந்த 2018-ம் ஆண்டு ரிலீசான இப்படம் பிளாக்பஸ்டர் ஹிட்டானது.எனினும் தற்போது 4 ஆண்டு இடைவெளிக்கு பின், சூர்யாவும், கார்த்தியும் மீண்டும் இணைந்துள்ள படம் விருமன்.
அத்தோடு கிராமத்து கதையம்சம் கொண்ட படங்களை இயக்குவதில் கில்லாடி இயக்குநரான முத்தையா தான் இப்படத்தை இயக்கியுள்ளார்.
சூர்யாவின் 2டி நிறுவனம் பிரம்மாண்டமாக தயாரித்துள்ள இப்படத்தின் மூலம் இயக்குநர் ஷங்கரின் இளைய மகள் அதிதி கதாநாயகியாக அறிமுகமாகி உள்ளார். இப்படத்தில் தேன்மொழி என்கிற கதாபாத்திரத்தில் கிராமத்து பெண்ணாக நடித்து இருக்கிறார் அதிதி. அதுமட்டுமின்றி இப்படத்தின் மூலம் பாடகியாகவும் அவதாரம் எடுத்துள்ளார் ஷங்கரின் மகள்.
விருமன் படத்தில் இடம்பெறும் மதுர வீரன் என்கிற பாடலை, இசையமைப்பாளர் யுவன் சங்கர் ராஜாவுடன் சேர்ந்து பாடியுள்ளார் அதிதி.மேலும் இப்பாடலுக்கு ரசிகர்கள் மத்தியில் அமோக வரவேற்பும் கிடைத்து வருகிறது. இப்படத்தில் ராஜ்கிரண், பிரகாஷ் ராஜ், வடிவுக்கரசி, சிங்கம்புலி, சூரி, ஆர்.கே.சுரேஷ் என மிகப்பெரிய நட்சத்திர பட்டாளமே நடித்துள்ளது.
இப்படத்தின் பிரஸ் மீட் இன்று சென்னையில் நடைபெற்றது. இதில் படக்குழுவினர் அனைவரும் கலந்துகொண்டனர். அப்போது பேசிய நடிகரும், இயக்குனருமான சிங்கபுலி, படக்குழுவினர் ஒவ்வொருவரைப் பற்றியும் பாராட்டி பேசினார். இறுதியாக நடிகை அதிதி ஷங்கரை பற்றி பேசிய அவர், அதிதி தான் தமிழ்நாட்டின் ஆலியா பட் என புகழ்ந்தார்.
இதைக்கேட்டு அதிதியும் வெட்கத்தில் சிரித்தார். அத்தோடு ஷங்கரை பார்த்து மென்மேலும் சினிமாவில் அதிதி வளர வேண்டும் என பாராட்டி பேசி தனது உரையை முடித்துக்கொண்டார் சிங்கம்புலி.
பிற செய்திகள்
- “நான் படிக்காதவன் என்பதாலே…” சர்ச்சைக்கு விளக்கம் சொன்ன சூரி!
- பூஜா ஹெக்டே போல் மாறிய ஐஸ்வர்யா ராஜேஷ்…வைரலாகும் புகைப்படங்கள்..!
- நாக சைதன்யா இத்தனை சொகுசு கார் வைத்துள்ளாரா..? வெளியான விபரத்தால் வாயடைத்துப்போன ரசிகர்கள்..!
- குட்டைசோட்சில் கவர்ச்சி போஸ் கொடுத்த பூஜா ஹெக்டே-குஷியில் லைக்ஸ்களை தெறிக்கவிடும் ரசிகர்கள்..!
- போஸ்டரில் என் போட்டோ கூட போடல: தமன்னா விடுத்த அதிர்ச்சி புகார்
சமூக ஊடகங்களில்:
- Facebook : சினிசமூகம் முகநூல்
- Twitter: சினிசமூகம் ட்விட்டர்
- Instagram : சினிசமூகம் இன்ஸ்டாகிராம்
- YouTube : சினிசமூகம் யு டியூப்
Listen News!