_652f699c34318.jpg)
இந்த ஆண்டில் ரசிகர்கள் மத்தியில் மிகவும் எதிர்பார்க்கப்படுகின்ற முக்கிய படமாக விஜய்யின் 'லியோ' திரைப்படம் முன்னணியில் காணப்படுகிறது. இது ரசிகர்கள் மத்தியில் பெரும் பரபரப்பு உச்சத்தை ஏற்படுத்தியுள்ளது.
இந்த நிலையில், விஜய் நடித்த 'லியோ' திரைப்படத்தை திரையரங்குகளில் போட்டிப் போட்டு திரையிட முந்துவதற்கான முக்கிய ஐந்து காரணங்கள் சுட்டிக்காட்டப்பட்டுள்ளன.
கேங்ஸ்டராக களமிறங்கும் விஜய்!
'லியோ' படத்தில் லியோ தாஸ் மற்றும் பார்த்திபன் என இரட்டை வேடங்களில் ரசிகர்களை வசீகரிக்க உள்ளார் விஜய். விஜய்யின் பன்முகத் திறனை வெளிப்படுத்தும் வகையில், குறித்த இரண்டு கதாபாத்திரங்களுக்கும் இடையே ஒரு முழுமையான வேறுபாட்டை இந்தப் படம் வெளிக்காட்டவுள்ளது. ஒரு அமைதியான குடும்ப மனிதராக இருந்து வலிமையான கேங்ஸ்டராக மாறிய விஜய்யின் சித்தரிப்பு சந்தேகத்திற்கு இடமின்றி ரசிகர்களுக்கு விருந்தாக இருக்கும் என எதிர்பார்க்கப்படுகிறது.
விஜய்யுடன் மீண்டும் இணையும் த்ரிஷா!
தமிழ் சினிமாவின் அபிமான ஜோடியான த்ரிஷாவும் விஜய்யும் லோகேஷ் கனகராஜ் இயக்கத்தில் 15 வருடங்களுக்கு பிறகு மீண்டும் திரையில் இணைகின்றனர். கணவன்-மனைவியாக நடிக்கும் இவர்கள் இருவரின் சிறப்புக் காட்சிகள் பார்வையாளர்களைக் கவரும் என்பதில் ஐயமில்லை எனலாம்.
'லியோ' இல் கூட்டிணையும் வலிமையான நட்சத்திரங்கள்!
'லியோ' திரைப்படத்தில் சஞ்சய் தத், அர்ஜுன், கவுதம் மேனன், பிரியா ஆனந்த், மன்சூர் அலி கான், மேத்யூ தாமஸ் மற்றும் மிஷ்கின் போன்ற வலிமையான துணை நடிகர்களை பக்க பலமாக கொண்டுள்ளது. ஒவ்வொரு கதாபாத்திரமும் படத்தின் கதைக்கு குறிப்பிடத்தக்க பங்களிப்பை வழங்கும் என்று எதிர்பார்க்கப்படுகிறது.
லோகேஷ் - விஜய் இணைந்த கூட்டணி
'லியோ' திரைப்படத்தை தமிழ் சினிமா பிரபஞ்சத்திற்கேற்ப தனது அனுபவங்களை ஒருங்கிணைத்த லோகேஷ் கனகராஜ், பார்வையாளர்களின் கண்களுக்கு சிறப்பு விருந்தளிப்பாரா என்பதைப் பார்க்க ரசிகர்கள் பெரும் ஆர்வமாக உள்ளனர்.
தெறிக்கவிடும் அனிருத் இசை!
நான்காவது முறையாக விஜய்யுடன் இணைந்து 'லியோ' படத்திற்கு அனிருத் இசையமைக்கிறார் . இப்படத்தில் குறைவான பாடல்கள் இடம்பெற்றுள்ள போதும் அனிருத்தின் பின்னணி இசையில் அதிக கவனம் செலுத்தப்படும் என்பதோடு இது பார்வையாளர்களுக்கு அதிவேக அனுபவத்தை வழங்கும் என எதிர்பார்க்கப்படுகிறது.
_652f68abb15ac.jpg)
_6653254741d4f.jpeg)
.png)
.png)
Listen News!