எதார்த்தமான கதைகளை இயக்கி, பல வெற்றிப்படங்களை கொடுத்துள்ள புகழ்பெற்ற திரைப்பட இயக்குநர் தருண் மஜும்தார், கடந்த சில வருடங்களாக உடல்நல குறைவு காரணமாக அவதிப்பட்டு வந்த நிலையில், கொல்கத்தா மருத்துவமனையில் திங்கள்கிழமை (நேற்று) திடீரென காலமானார்.
இயக்குநர் மாத்திரம் அல்லாது தயாரிப்பாளராகவும் பணி புரிந்த இவருக்கு தற்போது 92 வயதாகும். முதுமை பிரச்சனைகள் மற்றும் சிறுநீரகக் கோளாறு காரணமாக கடந்த ஜூன் 14 அன்று, எஸ்.எஸ்.கே.எம் மருத்துவமனையில் அனுமதிக்கப்பட்டார்.
மருத்துவர்கள் அவருக்கு தீவிர சிகிச்சை அளித்து வந்த போதிலும், தருண் மஜும்தார் நேற்று காலை 11.17 மணியளவில் சிகிச்சை பலனின்றி காலமானார்.
எனினும் கடந்த சில வருடங்களாகவே முதுமையால் உண்டாகும் பிரச்சனைகளை அவர் எதிர்கொண்டு வந்த நிலையில், நுரையீரல் தொற்றாலும் அவர் அவதிப்பட்டு வந்தார். எனவே வெண்டிலேட்டர் உதவியுடன் மருத்துவர்கள் அவருக்கு சிகிச்சையளித்து வந்தனர். ஆனால் நேற்று அவரது உடல்நிலை மேலும் மோசமடைந்து காலமானார்.
மேலும் இவரது மரணம் வங்க மொழி ரசிகர்கள், மற்றும் பிரபலங்கள் மத்தியில் அதிர்ச்சியை ஏற்படுத்தியுள்ள நிலையில், பலர் தொடர்ந்து சமூக வலைத்தளம் மூலமாகவும், நேரடியாகவும் சென்று தங்களுடைய அஞ்சலியை செலுத்தி வருகிறார்கள்.
அதே போல் மேற்கு வங்க முதல்வர் மம்தா பானர்ஜி, தருண் மஜூம்தாரின் மறைவுக்கு ஆழ்ந்த இரங்கலைத் தெரிவித்துள்ளதோடு , அவரது மறைவு "திரையுலகிற்கும் உலகிற்கும் ஒரு பெரிய இழப்பு" என்று தெரிவித்துள்ளார்.
தருண் மஜூம்தார் 'கஞ்சர் ஸ்வர்கா', 'பாலடக்' , 'குஹேலி' போன்ற பல தரமான திரைப்படங்களை இயக்கியுள்ளவர். 1990 ஆம் ஆண்டு பத்மஸ்ரீ விருது பெற்றுள்ள இவர் ஐந்து பிலிம்பேர் விருதுகளையும் பெற்றுள்ளார் என்பது குறிப்பிடத்தக்கது.
பிற செய்திகள்
- கதாநாயகியின் ஆடையைத் துவைத்த இயக்குநர்- மனைவிக்கு அனுப்பப்பட்ட புகைப்படம்-நடந்தது என்ன..?
- விடுதியில் ஒன்றாக இருந்தது ஏன்? நரேஷ் பாபுவின் தொடர்பை பற்றி விளக்கிய நடிகை பவித்ரா!
- சூர்யாவின் இரண்டு சூப்பர்ஹிட் படங்களை மாதவன் நிராகரித்தாரா…!
- ரசிகர்களின் கண்ணுக்கு விருந்தளிக்கும் வகையில் குட்டி ஆடையில் குத்தாட்டம் போட்ட லாஸ்லியா..
- நடிகை தேவயானிக்கு ஃபேவரைட் டிஷ் இது தானாம்-இந்த இயக்குநருக்கும் அதில் பங்கு இருக்கின்றதா..?!
சமூக ஊடகங்களில்:
- Facebook : சினிசமூகம் முகநூல்
- Twitter: சினிசமூகம் ட்விட்டர்
- Instagram : சினிசமூகம் இன்ஸ்டாகிராம்
- YouTube : சினிசமூகம் யு டியூப்
Listen News!