மனிதனுக்கு பெரும் தொந்தரவை தருவது குறட்டை. இந்த குறட்டையை மையமாக வைத்து உருவாகி வரும் திரைப்படம் ‘குட் நைட்’. இந்த படத்தில் முதன்மை கதாபாத்திரத்தில் ‘ஜெய் பீம்’ படத்தின் நடிகர் மணிகண்டன் நடித்துள்ளார்.
ரொமான்டிக் காமெடி ஜானரில் உருவாகியுள்ள இந்த படத்தை அறிமுக இயக்குநர் சந்திரசேகரன் இயக்கியுள்ளார். இந்த படத்தில் மணிகண்டனுக்கு ஜோடியாக நடிகை மீதா ரகுநாத் நடித்துள்ளார். இவர்களுடன் ரமேஷ் திலக், இயக்குநர் பாலாஜி சக்திவேல், பக்ஸ் பகுவதி பெருமாள், ரேச்சல் ரெபாக்கா உள்ளிட்டோர் முக்கிய கதாபாத்திரங்களில் நடித்துள்ளனர்.
ஷான் ரோல்டன் இந்த படத்திற்கு இசையமைத்துள்ளார். மில்லியன் டாலர் ஸ்டியோஸ் மற்றும் எம்.ஆர்.பி எண்டர்டெயின்மெண்ட் நிறுவனங்கள் இணைந்து இப்படத்தை தயாரித்து வருகின்றன.
தற்போது தயாரிப்பு பணிகள் நடைபெற்று வரும் இப்படம் மே 12-ஆம் தேதி வெளியாகும் என அறிவிக்கப்பட்டுள்ளது. இந்நிலையில் இப்படத்தின் ட்ரெய்லரை இயக்குநர் லோகேஷ் கனகராஜ் வெளியிட்டுள்ளார். இந்த ட்ரெய்லர் ரசிகர்களிடையே நல்ல வரவேற்பை பெற்றுள்ளது.
Listen News!