விண்ணைத்தாண்டி வருவாயா, அச்சம் என்பது மடமையடா படங்களுக்கு பின் கௌதம் மேனன், சிம்பு, ஏ.ஆர். ரஹ்மான் ஆகிய மூவர் கூட்டணி மீண்டும் மூன்றாம் முறையாக உருவாகி வரும் திரைப்படம் தான் 'வெந்து தணிந்தது காடு’.இப்படத்தை ஐசரி கணேஷ் தனது வேல்ஸ் பிலிம் இண்டர்நேஷனல் நிறுவனம் மூலம் தயாரிக்கிறார்.
இந்தப் படத்தின் இசை மற்றும் ட்ரெய்லர் வெளியீட்டு விழா செப்டம்பர் மாதம் 2 ஆம் தேதி வெள்ளிக்கிழமை மாலை 5 மணிக்கு நடக்கும் என அதிகாரப்பூர்வமாக அறிவிக்கப்பட்டுள்ளது.பல்லாவரம் வேல்ஸ் பல்கலைக்கழகத்தில் இந்த விழா நடக்கும் என அறிவிக்கப்பட்டுள்ளது.
மேலும் இப்படத்தின் தமிழக உரிமையை உதயநிதி ஸ்டாலினின் ரெட் ஜெயன்ட் நிறுவனம் கைப்பற்றியுள்ளது.இந்த படம் வரும் செப்டம்பர் மாதம் 15 ஆம் தேதி திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.
வெந்து தணிந்தது காடு' படத்தில் சிம்பு கதாநாயகனாக 'முத்து' எனும் கதாபாத்திரத்தில் சிம்பு நடிக்கிறார். இந்நிலையில் முத்து கதாபாத்திரத்தின் எழுச்சியை அடிப்படையாகக் கொண்டு புதிய போஸ்டரை படக்குழு சார்பில் படத்தயாரிப்பு நிறுவனம் அதிகாரப்பூர்வமாக வெளியிட்டுள்ளது.
உலகின் விலையுயர்ந்த சொகுசு காரான Jaguar XJL 2010 ரக காரில் இருந்து இறங்கி சிம்பு நடந்து செல்லும் புகைப்படம் இடம் பெற்றுள்ள போஸ்டராக புதிய போஸ்டர் அமைந்துள்ளது.இந்த போஸ்டரில் சிவப்பு நிற கோட் சூட் உடையில் நவநாகரீக தோற்றத்தில் சிம்பு தோன்றியுள்ளார். முகத்தில் தாடி இருப்பது பக்கவாட்டில் தெரியும் படி சிம்புவின் லுக் அமைந்துள்ளது என்பதும் குறிப்பிடத்தக்கது.
.png)
.png)
Listen News!