விண்ணைத்தாண்டி வருவாயா படத்திற்கு பிறகு இணைந்துள்ளனர் கௌதம் வாசுதேவனும் - சிம்புவும். நீண்ட இடைவெளிக்கு பின்னர் இவர்கள் கூட்டணியில் உருவாகியுள்ள வெந்து தணிந்தது காடு படம் 3 ஆண்டுகளுக்கு மேல் எதிர்பார்ப்பில் உள்ள படமாகும்.
மேலும் இந்த படத்திற்காக உடல் எடையை வெகுவாக குறைத்து இருந்தார் சிம்பு. இதில் ராதிகா சரத்குமார், சித்தி இத்னானி உள்ளிட்டோர் முக்கிய கதாப்பாத்திரத்தில் நடித்துள்ளனர்.இப் படத்தை வெளியிடும் உரிமையை ரெட் ஜெயன்ட் மூவிஸ் பெற்றுள்ளது.
இப்படத்திற்கு ஏ.ஆர் ரகுமான் இசை அமைத்துள்ளார். இந்த படம் செப்டம்பர் 15ஆம் தேதி பிரமாண்டமாக திரைக்கு வரவுள்ளது. வெளியீட்டிற்கு இன்னும் சில வாரங்கள் மட்டுமே இருப்பதால் படத்தின் அப்டேட்டுகளுக்காக ரசிகர்கள் காத்திருக்கின்றனர். முன்னதாக இரு பாடல்கள் வெளியாகி ரசிகர்களை மகிழ்ச்சியில் ஆழ்த்தி இருந்தது.
இந்த நிலையில் தற்போது இசை வெளியீட்டின் மூலம் மீதியுள்ள பாடல்களும் வெளியிடப்பட உள்ளது.அத்தோடு இன்று நடைபெற்று வரும் இசை வெளியீட்டு விழாவிற்கு கமல் மற்றும் உதயநிதி சிறப்பு விருந்தினர்களாக கலந்து கொள்ள உள்ளதாக ஏற்கனவே தயாரிப்பாளர் ஐசரி கணேஷ் குறிப்பிட்டுள்ளார். இந்த நிகழ்சிக்கு நாயகன் சிம்பு மாஸாக ஹெலிகாப்டரில் வந்து இறங்கிய காட்சிகள் சமூக வலைதளத்தில் வைரலாகி வருகிறது.
இதற்காக விழா மேடைக்கு முன்னால் ஹெலிகாப்டர் இறங்குவதற்கான மிகப்பெரிய மார்க் செய்யப்பட்டுள்ளது. அத்தோடு முன்னதாக இசை வெளியீட்டு விழா மேடை செட்டுகள் தயாரிப்பாளரால் வெளியிடப்பட்டு ரசிகர்களால் ட்ரெண்டாக்கப்பட்டது குறிப்பிடத்தக்கது.
அத்தோடு இயக்குநர் கௌதம் மேனன் ரசிகர்களின் ஆரவாரத்திற்கு இடையே கெத்தாக இசை வெளியீட்டு மேடைக்கு வந்த வீடியோவும் வைரலாகி வருகிறது.
Director who explained love ❤️ to all the 90’s kids @menongautham in the house! 🔥#VendhuThaninthadhuKaadu #SilambarasanTR #GauthamMenon pic.twitter.com/CEvmgOhQXU
.png)
.png)
Listen News!