நடிகை மகாலட்சுமிக்கும் தயாரிப்பாளர் ரவீந்தருக்கும் 20 வயது வித்தியாசம் என்றெல்லாம் ட்ரோல் செய்யப்பட்டு வந்த நிலையில், அதுகுறித்து அவரே விளக்கம் கொடுத்துள்ளார்.
தயாரிப்பாளரும், பிக்பாஸ் விமர்சகருமான ரவீந்தர் சந்திரசேகர், கடந்த சில தினங்களுக்கு முன்னர் சீரியல் நடிகை மகாலட்சுமியை திடீரென திருமணம் செய்துகொண்டார். இவர்கள் இருவருக்குமே இது இரண்டாவது திருமணம் என்று அவர்களே கூறியுள்ளார்கள்.இவர்கள் இருவரையும் திடீரென திருமண கோலத்தில் பார்த்ததும், அனைவரும் ஷாக்காகினர். ஒருவேளை ஏதேனும் படத்துக்காக எடுக்கப்பட்ட போட்டோஷூட் என்றெல்லாம் நினைக்க ஆரம்பித்து விட்டனர்.
இதன் பின்னர் இருவருமே தங்கள் இன்ஸ்டாகிராம் பக்கத்தில் பதிவிட்ட பின்னர் தான் இது உண்மையிலேயே நடந்த திருமணம் என தெரியவந்தது.
மேலும் இவர்களது திருமணத்திற்கு ஏராளமான வாழ்த்துக்கள் குவிந்தாலும், மறுபுறம் கடுமையான விமர்சனங்களும் வந்தன. அதன்படி நடிகை மகாலட்சுமிக்கும் தயாரிப்பாளர் ரவீந்தருக்கும் 20 வயது வித்தியாசம் என்றெல்லாம் கடுமையாக ட்ரோல் செய்து வந்தனர்
அதற்கெல்லாம் முற்றுப்புள்ளி வைக்கும் விதமாக இருவரும் ஜோடியாக தனியார் யூடியூப் சேனல் ஒன்றுக்கு பேட்டி கொடுத்துள்ளனர். அதில், அவர்கள் கூறுகையில், தங்களது திருமணம் காதல் திருமணம் தான் என்றும், இருவரும் 2 ஆண்டுகளாக காதலித்து வருவதாகவும் தெரிவித்தனர். அத்தோடு வயது குறித்து பரவிய சர்ச்சைக்கும் விளக்கம் அளித்துள்ளார் ரவீந்தர்.
எனக்கு 52 வயது ஆகிவிட்டதாகவும், நான் ஏதோ மகாலட்சுமியை கடத்தி கட்டாயப்படுத்தி திருமணம் செய்துகொண்டதாக சமூக வலைதளங்களில் தகவல் பரப்பி வருகின்றனர். உண்மையிலேயே எனக்கு 38 வயது தான் ஆகிறது. எங்கள் இருவருக்கும் அவ்வளவு வயது வித்தியாசமெல்லாம் இல்லை எனக் கூறி சர்ச்சைகளுக்கு முற்றுப்புள்ளி வைத்துள்ளார் ரவீந்தர்.
.png)
.png)
Listen News!