வெற்றிமாறன் - ஆண்ட்ரியா பட அறிவிப்பை வெளியிட்ட பிரபல நடிகர்..!

வெற்றிமாறன் தயாரிப்பில் ஆண்ட்ரியா நடிக்கும் புதிய படத்தின் பர்ஸ்ட் லுக் போஸ்டர் மற்றும் டைட்டில் தற்போது வெளியாகியுள்ளது.

நடிப்பைப் போல் பாடகியாகவும் திரையுலகில் ஜொலித்து வருபவர் ஆண்ட்ரியா. மேலும் இவர் ஆயிரத்தில் ஒருவன், தரமணி, வட சென்னை போன்ற நல்ல கதையம்சம் கொண்ட படங்களை தேர்ந்தெடுத்து நடித்து வருகிறார். இவர் நடிப்பில் 'பிசாசு 2' படம் உருவாகி வெளியீட்டிற்கு தயாராக உள்ளது என்பது அனைவருக்கும் தெரிந்தது ஒன்று.

மேலும் சைக்கோ படத்தின் வெற்றிக்கு பின்னர் விஷால் நடிப்பில் துப்பறிவாளன் 2 படத்தை இயக்கும் வேளைகளில் இறங்கினார் மிஷ்கின். அப்போது நடிகர் விஷாலுடன் ஏற்பட்ட மன கசப்பு காரணமாக அந்த படத்தில் இருந்து விலகினார். இதனை தொடர்ந்து தற்போது ஆண்ட்ரியா நடிப்பில் 'பிசாசு 2' படத்தை இயக்கியுள்ளார்.

மிஷ்கின் இயக்கத்தில் வெளியான பிசாசு படம் ரசிகர்களிடம் நல்ல வரவேற்பை பெற்றது. எனினும் இதனை தொடர்ந்து தற்போது பிசாசு 2 படத்தை இயக்கும் வேளைகளில் இறங்கினார் மிஷ்கின். ஆண்ட்ரியாவை பிரதானமாக கொண்டு இந்த படத்தின் திரைக்கதை அமைக்கப்பட்டுள்ளது. பூர்ணா, ராஜ்குமார் பிச்சுமணி உள்ளிட்டோரும் இந்த படத்தில் நடிக்கின்றனர். இந்த படத்தை ராக்போர்ட் எண்டர்டையின்மெண்ட் நிறுவனம் தயாரிக்கிறது. கார்த்திக் ராஜா இசையமைக்கிறார்.

இந்நிலையில் ஆண்ட்ரியாவின் புதிய படம் குறித்த அறிவிப்பு தற்போது வெளியாகியுள்ளது. வெற்றிமாறன் தயாரிப்பில் கெய்சர் ஆனந்த் என்பவர் இயக்கும் படத்தில் நடிக்கிறார் ஆண்ட்ரியா. மேலும் இந்தப்படத்திற்கு 'அனல் மேலே பனித்துளி' என தலைப்பிடப்பட்டுள்ளது. சந்தோஷ் நாராயணன் இசையமைக்கிறார்.

மேலும் இந்தப்படத்தின் பர்ஸ்ட் லுக் போஸ்டர் தற்போது வெளியிடப்பட்டுள்ளது. சோனி லைவ் ஓடிடி தளத்தில் நேரடியாக வெளியாகவுள்ளது இந்தப்படம். இந்த பர்ஸ்ட் லுக் போஸ்டரை தனுஷ் தனது ட்விட்டர் பக்கத்தில் வெளியிட்டுள்ளார். ஏற்கனவே வெற்றிமாறன் இயக்கத்தில் 'வடசென்னை' படத்தில் முக்கியமான கதாபாத்திரத்தில் நடித்த ஆண்ட்ரியா தற்போது அவர் தயாரிப்பில் நடிப்பது ரசிகர்கள் மத்தியில் எதிர்பார்ப்பினை கிளப்பியுள்ளது.

Happy to release the first look. Good luck to the team. God bless. @AnandKaiser, @VetriMaaran sir, @andrea_jeremiah @GrassRootFilmCo @Music_Santhosh @VelrajR @editor_raja @aadhavkk @Lyricist_Vivek @TherukuralArivu @Umadevi12161646 @THEOFFICIALB4U @SonyLIV @divomovies pic.twitter.com/NJTNwn73pg
— Dhanush (@dhanushkraja) May 9, 2022