_6429ac50f1dbb.jpg)
மக்களின் மனம் கவர்ந்த நாயகனான தளபதி விஜய் நடிப்பில் கடைசியாக வெளிவந்த திரைப்படம் வாரிசு. கடந்த ஜனவரி 11ஆம் தேதி பொங்கல் வெளியீடாக ரிலீஸ் ஆகி பிளாக் மாஸ்டர் ஹிட் ஆனது. இதனைத் தொடர்ந்து தற்போது லியோ திரைப்படத்தில் விஜய் நடித்து வருகிறார்.
இதனிடையே தற்போது தளபதி விஜய் இனஸ்டாகிராம் தளத்தில் இணைந்துள்ளார். ஆரம்பமே அட்டகாசம் என சொல்லும் அளவிற்கு மாஸாக என்ட்ரி கொடுத்த தளபதி விஜய் இன்ஸ்டாகிராமிலும் தனது சாதனை பயணத்தை தொடங்கி இருக்கிறார். அந்த வகையில் இன்ஸ்டாகிராமில் இணைந்த மிகக் குறுகிய நேரத்தில் வேகமாக ஒரு மில்லியன் ஃபாலோவர்களை கடந்த நட்சத்திரமாக தளபதி விஜய் தனது முதல் சாதனையை படைத்துள்ளார்.
கிட்டத்தட்ட இரண்டு மணி நேரங்களுக்கும் குறைவான நேரத்தில் ஒரு மில்லியன் ஃபாலோவர்கள் தளபதி விஜய் பின் தொடர ஆரம்பித்துள்ளனர். தென் கொரியாவின் நட்சத்திர இசைக்குழுவான பாய் பேண்ட் BTSன் V, 53 நிமிடங்களிலும் ஆஸ்கார் விருது பெற்ற ஹாலிவுட் நடிகை ஏஞ்சலினா ஜோலி, 59 நிமிடங்களிலும் ஒரு மில்லியன் ஃபாலோவர்களை பெற, இவர்களது வரிசையில் இந்திய நடிகர்களிலேயே மிகவும் வேகமாக ஒரு மில்லியனை கடந்த நட்சத்திரமாக விஜய் சாதனை படைத்துள்ளார்.
மேலும் தான் பதிவிட்ட முதல் புகைப்படத்திற்கே 104 நிமிடங்களில் ஒரு மில்லியன் லைக்ஸ் பெற்ற தமிழ் நடிகராக மேலும் ஒரு புதிய சாதனை தளபதி விஜய் படைத்துள்ளார். இந்தியாவிலேயே நடிகர் அல்லு அர்ஜுன் 78 நிமிடங்களில் இந்த சாதனையை படைக்க, அவருக்கு அடுத்து இரண்டாவது இடத்தில் தளபதி விஜய் இருக்கிறார் என்பது குறிப்பிடத்தக்கது. ஹலோ நண்பாஸ் - நண்பீஸ் என தொடங்கிய தளபதி விஜயின் இன்ஸ்டாகிராம் பதிவு இதோ…
_6429a68673e43.jpg)
.png)
.png)
Listen News!