தென்னிந்திய சினிமாவில் அதிகளவு பெண் ரசிகர்களைக் கொண்ட முன்னணி நட்சத்திரங்களில் ஒருவராக வலம் வருபவர் நடிகர் விஜய் சேதுபதி. இவர் "தென்மேற்குப் பருவக் காற்று" என்ற திரைப்படத்தின் ஊடாகத் தமிழ் சினிமாவில் கதாநாயகனாக அறிமுகமானவர்.
இதனைத் தொடர்ந்து பல வெற்றிப்படங்களைக் கொடுத்து இன்று முன்னணி நடிகர்களில் ஒருவராக திகழ்ந்து வருகின்றார். ஹீரோவாக மட்டும் இல்லாமல் ஒரு சில படங்களில் வில்லனாகவும், பிற நடிகர்களோடு இணைந்து துணைக் கதாபாத்திரங்களில் நடித்தும் ரசிகர்களைக் கவர்பவர் நடிகர் விஜய் சேதுபதி.
சமீபத்தில் இவருடைய நடிப்பில் வெளியான "காத்து வாக்குல ரெண்டு காதல் மற்றும் விக்ரம்" போன்ற இரண்டு திரைப்படங்களும் பெரும் வரவேற்பைப் பெற்று இருந்தன. அடுத்து இயக்குனர் சீனுராமசாமி இயக்கியுள்ள "மாமனிதன்" திரைப்படம் ஜூன் 24 ஆம் தேதி வெளியாக உள்ளதாகவும் தகவல்கள் வெளியாகி உள்ளன.
தமிழ் மொழியில் மட்டுமில்லாமல் நடிகர் விஜய் சேதுபதி தெலுங்கு, இந்தி உள்ளிட்ட பிற மொழிப் படங்களிலும் தன்னுடைய நடிப்பை வெளிப்படுத்தி வருகிறார். தெலுங்கில் அவர் நடித்த "உப்பேன்னா மற்றும் சைரா நரசிம்மா ரெட்டி" போன்ற படங்கள் ரசிகர்கள் மத்தியில் பெரும் வரவேற்பைப் பெற்றன. அதுமட்டுமல்லாது இந்தியில் "மும்பைக்கார் மற்றும் மெர்ரி கிறிஸ்துமஸ்" உள்ளிட்ட படங்களிலும் வெப் சீரிஸுலிம் நடிக்கிறார்.
இந்நிலையில் அவர் தற்போது அறிமுக இயக்குநரான VS இந்து இயக்கத்தில் மலையாள மொழிப் படமான "19 (1) (a)" என்ற படத்தில் முக்கிய கதாபாத்திரத்தில் நடித்துள்ளார். இந்த படத்தில் விஜய் சேதுபதியோடு நித்யா மேனன், இந்திரன்ஸ் மற்றும் இந்திரஜித் போன்றோரும் இணைந்து நடித்துள்ளனர். இந்த திரைப்படம் நேரடியாக ஓடிடியில் வெளியாகும் எனவும் செய்திகள் வெளியாகி இருக்கின்றன. இந்நிலையில் தற்போது இந்த படத்தின் முதல் லுக் போஸ்டர் வெளியாகி இருக்கின்றது. இதனை விஜய் சேதுபதி இணையத்தில் பகிர்ந்துள்ள நிலையில் அது செம வைரலாகி வருகின்றது.
ஏற்கனவே நடிகர் விஜய் சேதுபதி "மார்கோனி மத்தாய்" என்ற படத்தில் விஜய் சேதுபதியாகவே அவர் நடித்திருந்தாலும், முக்கியமான ஒரு கதாபாத்திரத்தில் நடிக்கும் முதல் மலையாள மொழிப் படமாக "19 (1) (a)" என்ற திரைப்படம் அமைந்துள்ளது. இதனால் ரசிகர்கள் மத்தியில் இப்படம் பெரும் எதிர்பார்ப்பை ஏற்படுத்தியிருக்கின்றது.
.png)
.png)
Listen News!